Posted: 12/14/2012 11:45 AM IST

పాకిస్థాన్ తో జరిగిన అంధుల క్రికెట్ ప్రపంచకప్ ఫైనల్లో భారత్ నెగ్గి విశ్వవిజేతగా నిలవడమే కాకుండా, తొలి టి20 ప్రపంచకప్ అందుకున్న ఘనత సాధించింది. ముందుగా బ్యాటింగ్ చేసిన భారత్ నిర్ణీత 20 ఓవర్లలో 8 వికెట్ల నష్టానికి 258 పరుగులు చేసింది. కేతన్ భాయ్ పటేల్ దూకుడుగా ఆడి 98 పరుగులు చేశాడు. ప్రకాశ్ జయరామయ్య 42, వైస్ కెప్టెన్ అజయ్ కుమార్ రెడ్డి 25 పరుగులతో రాణించారు. అనంతరం పాకిస్థాన్ 20 ఓవర్లలో 9 వికెట్లకు 229 పరుగులు మాత్రమే చేయగలిగింది. మొహమ్మద్ జమీల్ 47 పరుగులతో టాప్ స్కోరర్‌గా నిలవగా, అలీ ముర్తజా 38, అక్రమ్ 32 పరుగులు చేశారు. ఈ మ్యాచ్ విజయంతో లీగ్ దశలో పాకిస్థాన్ పై ఓడిన మ్యాచ్ కి ప్రతీకారం తీర్చుకున్నట్లయింది. లీగ్ దశలో దూకుడుగా ఆడుతూ.... ఎనిమిది మ్యాచ్ ల్లో నెగ్గిన పాక్ భారత్ కి తల వంచక తప్పలేదు.