Posted: 12/01/2012 05:27 PM IST

ఆటలో ఎవరు ఎక్కువ పోరాడితే వారినే విజయం వరిస్తుంది. ప్రత్యర్థి జట్టు ఎంత చిన్నదైనా దాన్ని తక్కువ అంచనా వేస్తే ఫలితం ఎలాగుంటుందో టీ20 ఛాంపియన్స్ గా నిలిచిన విండీస్ జట్టుకు తెలిసొచ్చింది. బంగ్లాదేశ్, విండీస్ మధ్య ప్రారంభం అయిన ఐదు వన్టేల సిరీస్ లో భాగంగా జరిగిన తొలి మ్యాచ్ లో బంగ్లాదేశ్ కరేబియన్స్ ని మట్టికరిపించింది. టాస్ గెలిచి బ్యాటింగ్‌కు దిగిన కరీబియన్లు.. బంగ్లా స్పిన్నర్లు సొహాగ్ గాజి (4/29), అబ్దు ర్ రజాక్ (3/39) ధాటికి 46.5 ఓవర్లలో 199 పరుగులకు కుప్పకూలింది. అనంతరం బ్యాటింగ్ కి దిగిన బంగ్లా 9.4 ఓవర్లు మిగిలుండగానే 3 వికెట్ల కోల్పోయి 201 పరుగులు చేసింది. మ్యాన్ ఆఫ్ ది మ్యాచ్‌గా సొహాగ్ గాజి నిలిచాడు. అరంగేట్ర హీరో సొహాగ్ విజ్రుంభించడంతో పాటు తమీమ్ ఇక్బాల్ (58), నయీమ్ ఇస్లాం (50 నాటౌట్) అర్ధసెంచరీలతో చెలరేగడంతో విండీస్ కి ఓటమి తప్పలేదు. ఎక్కువ వికెట్లు తీసిన సోహాగ్ కి మ్యాన్ ఆఫ్ ద మ్యాచ్ అవార్డు దక్కింది.