Posted: 10/25/2012 03:57 PM IST

నాలుగు దక్షిణాదిభాషల్లో 32 టీవీ చానల్స్, 45 ఎఫ్ ఎమ్ రేడియో స్టేషన్ల తో ఇండియాలోనే బిగ్గెస్ట్ నెట్వర్క్ అయిన సన్ టీవీ మరో అద్భుతకార్యానికి శ్రీకారం చుట్టింది.  ఇటీవల బీసీసీఐ రద్దు చేసిన డెక్కన్ చార్జర్స్ స్థానంలో ఏర్పాటు చేయబోయే నూతన హైదరాబాద్ ఐపీఎల్ ఫ్రాంచైజీని సన్ టీవీ గ్రూప్ దక్కించుకుంది. మొత్తం పదేళ్ల కాలానికి గాను 850 కోట్ల రూపాయల మొత్తాన్ని చెల్లించిన సన్ గ్రూప్.. జట్టును సొంతం చేసుకుంది. డెక్కన్ చార్జర్స్ అనుభవం నేపథ్యంలో నిబంధనలు కఠినతరం చేసి బీసీసీఐ బిడ్డింగ్‌ను ఆహ్వానించిన విషయం తెలిసిందే. ఈ నేపథ్యంలో గురువారం మధ్యాహ్నం 12 గంటలకు గడువు ముగిసింది. చివరకు హైదరాబాద్ జట్టును సన్ గ్రూప్ దక్కించుకున్నట్టు బీసీసీఐ వెల్లడించింది.

...avnk