Posted: 05/31/2012 11:36 AM IST

పూనమ్ పాండే చేష్టలను మరవక ముందే టాప్‌లెస్‌గా మరో భామ దర్శనమిచ్చింది. ఐపిఎల్ పేరుతో కొందరు భామలు వలువలు విప్పి నెట్‌లో ఉంచడం ద్వారా ఉచిత ప్రచారానికి బాగానే ఆకర్షితులవుతున్నట్లు ప్రస్తుత పరిణామాలు స్పష్టం చేస్తున్నాయి. రోజ్లిన్ ఖాన్ అనే మోడల్ ధోనీ కోసం ఈ పని చేసినట్లు ప్రకటించింది.

ధోనీ సేన ఐపి ఎల్-5ని గెల్చుకుంటే అతడితో బికినీతో ఫోటోషూట్‌కు అనుమతిస్తానని గతంలో చెప్పింది. అయితే, ధోనీ సేన టైటిల్‌ను నెగ్గకున్నా ఆమె మాత్రం వెనక్కు తగ్గలేదు. చెన్నై జట్టు, ధోనీ అంటే తనకెంతో ఇష్టమని ఆమె చెప్పింది. ఆ జట్టంటే తనకున్న అభిమానాన్ని చాటాలనుకున్నానని, వారి కృషికి అభినందనగా తన ప్రయత్నం ఒక చిరు కానుకగా ఆమె పేర్కొన్నది. ఈ సంవత్సరం జరిగే చాంపియన్స్ లీగ్‌లో చెన్నై సత్తా చాటుతుందని ఆమె అభిప్రాయపడింది.