Posted: 05/18/2012 09:12 PM IST

ముంబయిలోని వాంఖడే స్టేడియంలో బాలీవుడ్ బాద్ షా షారూఖ్ ఖాన్ నానా హంగామా చేసిన విషయం తెలిసిందే. ఈ విషయం పై ప్రత్యేకంగా భేటి అయిన ముంబయి క్రికెట్ అసోషియేషన్ ఈయన పై ఐదు సంవత్సరాల పాటు నిషేదం విధిస్తూ నిర్ణయం తీసుకుంటున్నట్లు ఎంసీఏ అధ్యక్షుడు విలాస్ రావు దేశ్ ముఖ్ చెప్పారు.

షారుక్‌ క్షమాపణ చెప్పాల్సిందేనని దేశ్‌ముఖ్‌ స్పష్టం చేశారు. కావాలంటే తమ సెక్యూరిటీ సిబ్బందిపై షారుక్‌ పోలీసులకు ఫిర్యాదు చేసుకోవచ్చన్నారు. నిషేధంపై పునరాలోచించే ప్రసక్తే లేదని తేల్చి చెప్పారు. మొదట అతనిపై జీవితకాల నిషేధం విధించాలని అనుకున్నా.. చివరికి ఐదేళ్ల పాటు వాంఖడేలో అడుగుపెట్టకుండా నిషేధించాలని నిర్ణయించారు. ఈ సంఘటనలో తన తప్పేమీ లేదని.. క్షమాపణ చెప్పే ప్రసక్తే లేదని ఇప్పటికే షారుక్‌ చెప్పిన విషయం తెలిసిందే.

ఈ నిషేదం పై షారూఖ్ కి పలువురు అండగా నిలుస్తున్నారు. పశ్చిమబెంగాల్ మఖ్యమంత్రి షారూఖ్ కి తన మద్దతు తెలిపినట్లు సమాచారం.