Posted: 05/14/2012 01:46 PM IST

అదనపు సమయంలో కెప్టెన్ ఆకాశ్‌దీప్ సింగ్ చేసిన గోల్డెన్ గోల్ వల్ల భారత్‌ను విజయం వరించింది. మలేషియాలో జరుగుతున్న జూనియర్ హాకీ టోర్నీలో భారత్ కాంస్యాన్ని గెల్చుకుంది. కాంస్యం కోసం జరిగిన పోరులో దక్షిణ కొరియాపై 2-1 గోల్స్ తేడాతో భారత్ విజయం సాధించింది. తొలి అర్థ భాగంలో ఇరు జట్లు గోల్ చేయలేకపోయాయి. కాగా, దక్షిణా కొరియా తరఫున 47వ నిమిషంలో తమకు లభించిన పెనాల్టీ కార్నర్‌ను యొ సెయుంగ్‌జి గోల్‌గా మలచగా, భారత్ తరఫున 54వ నిమిషంలో లాంకీ లోకేష్ తిమ్మన్న గోల్ చేశాడు. ఆ తర్వా కొరియన్లు భారత్‌ను కట్టడి చేస్తూ వేగంగా దాడులు చేయడంతో మ్యాచ్ అదనపు సమయానికి దారితీసింది. అదనపు సమయంలో లభించిన పెనాల్టీ కార్నర్‌ను భారత ఆటగాడు అమిత్ రోహిదాస్ గోల్‌గా మలచడంలో విజయం సాధించలేక పోయాడు. చివరకు లోకేష్ ఇచ్చిన పాస్‌తో కెప్టెన్ ఆకాశ్‌దీప్ గోల్ చేశాడు. భారత్ 2-1 ఆధిక్యాన్ని సంపాదించి మ్యాచ్‌ను సొంతం చేసుకుంది.