Posted: 03/06/2012 07:41 PM IST

ట్రై సిరీస్‌కు అసలు సిసలు ముగింపు లభించనుంది. ఆద్యంతం ఆసక్తికరంగా సాగుతోన్న ఈ సిరీస్‌ ఫైనల్స్‌లోనూ డ్రామా కంటిన్యూ అవుతోంది. తొలి ఫైనల్‌లో ఆసీస్‌పై పోరాడి ఓడిన శ్రీలంక తాజాగా రెండో ఫైనల్‌లో పుంజుకుని బెస్ట్ ఆఫ్ త్రీ సిరీస్‌ను సమం చేసింది. మొదట బ్యాటింగ్ చేసిన ఆస్ట్రేలియా వార్నర్ , మైకేల్ క్లార్క్ సెంచరీలతో 50 ఓవర్లలో 6 వికెట్లకు 271 పరుగులు సాధించింది.

వార్నర్ 100 , క్లార్క్ 117 పరుగులు చేశారు. చివరి ఓవర్లలో ఆసీస్ అనుకున్నంత వేగంగా ఆడలేకపోయింది. 272 పరుగుల లక్ష్యఛేదనలో లంకకు ఓపెనర్లు జయవర్థనే , దిల్షాన్ అదిరిపోయే ఆరంభాన్నిచ్చారు. ఆసీస్ బౌలర్లపై ఎదురుదాడికి దిగి పరుగుల వరద పారించారు. ఆసీస్ ఫీల్డర్లు పలు క్యాచ్‌ అందుకున్నప్పటకీ....అవి నోబాల్స్‌ అవడం వీరికి కలిసొచ్చింది. వీరిద్దరి జోరుతో లంక స్కోర్ 33.3 ఓవర్లలోనే 200 పరుగులు దాటింది.

విజయానికి చేరువవుతోన్న తరుణంలో జయవర్థమనే 80 , దిల్షాన్ 106 పరుగులకు ఔటైనా సంగక్కరా , చందిమాల్ జట్టు విజయాన్ని పూర్తి చేశారు. ఈ విజయంతో ఇరు జట్లూ చెరొక ఫైనల్ గెలిచి సమంగా ఉన్నాయి. టైటిల్‌ ఫలితాన్ని తేల్చే ఆఖరి ఫైనల్ గురువారం అడిలైడ్‌లోనే జరుగుతుంది.