Posted: 03/26/2013 05:22 PM IST

 నగరంలోని ఇందిరా పార్క్ వద్ద ఉద్రిక్త పరిస్థితులు చోటు చేసుకున్నాయి. ఓబీ వ్యాన్లపై పోలీసులు దాడి చేశారు. తక్షణమే ఓబీ వ్యాన్లను తీసుకుని వెళ్లిపోవాలని పోలీసులు హెచ్చరించారు. వామపక్ష కార్యకర్తలు ప్రతిఘటిస్తున్నారు. కాగా విద్యుత్ ధరల పెంపుపై వామపక్షాలు ఇందిరా పార్క్ వద్ద నిరసన దీక్షకు దిగిన విషయం తెలిసిందే. నాటికి నాల్గవ రోజుకు చేరుకుంది. లెఫ్ట్ నేతలు బీవీ రాఘవులు, నారాయణల ఆరోగ్య పరిస్థితి క్షీణించిందని, వారికి వైద్యం అందజేయాలని డాక్టర్లు పోలీసులకు సూచించారు. వైద్యానికి నేతలు నిరాకరిస్తున్నారు. ప్రభుత్వం దిగి వచ్చే వరకు తమ దీక్ష కొనసాగుతుందని వారు స్పష్టం చేశారు.