బుల్లితెరకు బిత్తిరి సత్తి గుడ్ బై?

Posted: 09/19/2017 04:30 PM IST

రాత్రి 9.30 అయ్యిందంటే లొడాస్ లాగులేసుకుని బుల్లి తెరపై సందడి చేసే 'బిత్తిరి సత్తి' తెలుసుగా.. ఓ ప్రముఖ ఛానెల్ లో తీన్మార్ వార్తలతో పాపులర్ అయిన అతగాడు ఈ మధ్య సినిమాల్లో కూడా సందడి చేస్తున్నాడు. పక్కా తెలంగాణ యాసతో.. యూత్ లో తనకంటూ ఓ క్రేజ్ సంపాదించేసుకున్న ఈ మేల్ యాంకర్ ఈ మధ్య టాలీవుడ్ ఈవెంట్లలోనూ సందడి చేస్తున్నాడు.

ముఖ్యంగా నేను రాజు.. నేనే మంత్రి... ఆడియో వేడుక సందర్భంగా అతగాడు చేసిన హడావుడి అంతా ఇంతా కాదు. అంతగా ఆయన తనదైన మేనరిజంతో ఆకట్టుకున్నాడు. అలాంటి 'బిత్తిరి సత్తి' త్వరలో స్మాల్ స్క్రీన్ కు గుడ్ బై చెప్పబోతున్నాడన్న వార్త ఒకటి బయటకు వినిపిస్తోంది. ప్రస్తుతం సినిమాల్లో చిన్నా చితకా రోల్స్ చేసుకుంటున్న సత్తి.. పూర్తి స్థాయిగా సినిమాల్లో సెటిల్ అవ్వాలన్న ఆలోచన చేస్తున్నాడంట.

అంతే కాదు ఈ మేరకు ఓ నిర్మాత తన తదుపరి చిత్రం సత్తితోనే హీరోగా తీయాలని.. ఫిక్సయినట్లు తెలుస్తోంది. అయితే పార్ట్ పార్ట్ గా నవ్వించే సత్తిని బిగ్ స్క్రీన్ పై ఎంత వరకు ఆకట్టుకుంటాడన్నది కాస్త అనుమానమే. ఇంతకీ ఈ వార్తలో ఎంత నిజం ఉన్నదన్నది 'బిత్తిరి సత్తి' అలియాస్ చేవెళ్ల రవి చెబితేనే అందరికీ తెలిసేది.