టాలెంట్ దర్శకుడి చిత్రం కాన్సిల్ చేశాడా?

Posted: 09/12/2017 05:39 PM IST

రొమాంటిక్ హీరో ట్యాగ్ లైన్ తగిలించుకున్న ఆ హీరో ఖాతాలో మరో డిజాస్టర్ వచ్చి పడింది. కెరీర్ మొత్తంలో లవ్ స్టోరీలు చేస్తేనే హిట్ కొట్టడం చూశాం. అలా కాదని యాక్షన్ కథలు చేస్తే మాత్రం ఇక అంతే. మొదటి సినిమా దగ్గరి నుంచి లేటెస్ట్ మూవీ దాకా ఇదే రిపీట్ అవుతోంది. వరుసగా రెండు హిట్లు పడ్డ ఆ హీరో హ్యాట్రిక్ కోసం ప్రయోగం చేస్తే అధి కాస్త వికటించింది.  ఇదంతా ఎవరి గురించో చెప్పాల్సిన అవసరం లేదనుకంటా.

ఈ నేపథ్యంలో అక్కినేని నాగ చైతన్య మనసు మారిందన్న వార్త ఒకటి ఇప్పుడు చక్కర్లు కొడుతోంది. నిజానికి కార్తీకేయ, ప్రేమమ్ చిత్రాల దర్శకుడు చందూ మొండేటితో సవ్యసాచి షూటింగ్ మొదలవ్వాల్సి ఉంది. అయితే యుద్ధం.. ఫ్లాప్ నేపథ్యంలో తర్వాత కూడా యాక్షన్ సబ్జెక్ట్ వద్దని డిసైడ్ అయ్యాడంట. అందుకే ముందు మారుతితో అనుకున్న చిత్రాన్ని కంప్లీట్ చేసేసి తర్వాత సవ్యసాచి పని పడతాడంట.

మేఘా ఆకాశ్ ను ఇప్పటికే నిర్ణయించుకోగా ఈ ప్రాజెక్టును ముందు మొదలుపెడతారని చెప్పుకుంటున్నారు. అయితే చందూ కథలో కంటెంట్ ఉంటే చైతూ భయపడాల్సిన అవసరం లేదు కదా అన్నది పలువురిని వేధిస్తున్న ప్రశ్న. ఏది ఏమైనా డిఫరెంట్ కాన్సెప్ట్ తోనే రాబోతున్న సవ్యసాచి మొత్తానికి కాన్సిల్ అయ్యిందా? అంటే మాత్రం చైతూ వైపు నుంచి సమాధానం దొరకట్లేదు.