ఉయ్యలవాడలో అమితాబ్.. ఈసారి బాలీవుడ్ వంతు

Posted: 08/01/2017 05:11 PM IST

మెగాఫ్యాన్స్ వెయిటింగ్ కి ఈ నెలాఖరులో పుల్ స్టాప్ పడబోుతంది. చిరు 151వ చిత్రం 'ఉయ్యాలవాడ నరసింహా రెడ్డి' సినిమాపైనే దృష్టి పెట్టారు. ఈ సినిమా విషయాలు ఎప్పటికప్పుడు తెలుసుకోవడానికి వాళ్లంతా ఎంతో ఆత్రుత చూపుతున్నారు. గత కొంత కాలంగా మీడియాలో చక్కర్లు కొడుతున్న ఓ వార్త ఇప్పుడు బాలీవుడ్ లోనూ సెన్సేషన్ గా మారింది.

చారిత్రక నేపథ్యంలో రూపొందుతోన్న ఓ కీలక పాత్ర కోసం బిగ్ బీ అమితాబ్ బచ్చన్ ను తీసుకుంటున్నట్లు ఆ మధ్య మన మీడియాలో కథనాలు వచ్చాయి. ఇప్పుడు ప్రముఖ బాలీవుడ్ మీడియా ఛానెళ్లు కూడా అదే వార్తను ప్రముఖంగా ప్రచురిస్తున్నారు. ఈ విషయంపై అమితాబ్ గ్రీన్ సిగ్నల్ ఇచ్చినట్లు చెప్పుకుంటున్నప్పటికీ అధికారికంగా ఎక్కడా క్లారిటీ లేదు. మెగాస్టార్ స్వయంగా రిక్వెస్ట్ చేయడం .. చారిత్రక నేపథ్యంతో కూడిన కథ కావడం వలన, అమితాబ్ ఆసక్తిని చూపారనే అభిప్రాయాలు వ్యక్తమవుతున్నాయి.

అయితే ఆ మధ్య ఇదే క్యారెక్టర్ ను ఉపేంద్రకు ఇచ్చారన్న వార్త కూడా ఒకటి వినిపించింది. అలాగే హీరోయిన్ గా సోనాక్షి సిన్హాను కన్ఫర్మ్ చేసినట్లు చెప్పుకుంటున్నారు. ఇలా వినిపిస్తున్న వార్తలపై ఓ కంక్లూజన్ కావాలంటే మాత్రం కొన్నిరోజులు ఓపికపట్టాల్సిందే.