బిగ్ బాస్ కి అనసూయ అట్రాక్షన్?

Posted: 07/20/2017 12:16 PM IST

సినిమాలకు రివ్యూలు ఉన్నట్లే.. బుల్లితెర షోలకు టీఆర్ఫీలు జడ్జిమెంట్ గా పరిగణిస్తారు. మినిమమ్ కూడా రాకపోతే మాత్రం ఆ షో డిజాస్టర్ లెక్క కిందకే వస్తుంది. నాగ్ తో సక్సెస్ ఫుల్ గా రన్ అయిన మీలో ఎవరు కోటీశ్వరుడు.. మెగాస్టార్ చేతికి వచ్చే సరికి ఘోరంగా దెబ్బతింది. దీంతో ఎన్టీఆర్ తో బిగ్ బాస్ షో ను ఎలాగైనా హిట్ కొట్టించాలని సేమ్ ఛానెల్ భావించింది. అనుకున్నట్లుగానే గ్రాండ్ గా 'బిగ్ బాస్ షో' మొదలైంది.

అయితే ఎన్టీఆర్ అప్పీయరెన్స్ మినహాయించి ఇందులో పాల్గొంటున్న వారి నుంచి ఆశించిన స్థాయిలో జోష్ రావడం లేదని షో నిర్వాహకులు భావిస్తున్నారట. ఇలాంటి టైంలోనే వైల్డ్ కార్డ్ ఎంట్రీ ద్వారా మరికొందరిని హౌజ్ లోకి పంపించే వీలుంటుంది. దానిని ఇప్పుడు వాడబోతున్నారని సమాచారం. వీరిలో మంచు లక్ష్మి, తేజస్విని ఇలా పలువురి పేర్లు వినిపిస్తున్నాయి. అయితే ఇప్పటికిప్పుడు షో పుంజుకోవాల్సిన అవసరం ఉంది. అందుకే అనసూయను రంగంలోకి దించే అవకాశం ఉందని చెబుతున్నారు.

అయితే అనసూయ షెడ్యూల్ ఎప్పుడూ బిజీగా ఉంటుంది. బయట కూడా చాలా ప్రోగ్రామ్స్ చేస్తోన్న సంగతి తెలిసిందే. అలాంటప్పుడు రెండు నెలలకు పైగా హౌజ్ లో ఉండిపోతే వాటి పరిస్థితి ఏంటి? అందుకే భారీ రెమ్యునరేషన్ ను ఆఫర్ చేయబోతున్నట్లు చెబుతున్నారు.