‘సరైనోడు’ను టెన్షన్ పెడుతున్న ‘దమ్ము’

Posted: 04/15/2016 03:55 PM IST

తెలుగు సినీ ఇండస్ట్రీలో ఇప్పుడున్న మాస్ చిత్రాల దర్శకులలో బోయపాటి శ్రీను ఒకరు. కమర్షియల్ మాస్ యాక్షన్ ఎంటర్ టైనర్ చిత్రాలకు కేరాఫ్ అడ్రస్ గా మారిపోయారు బోయపాటి శ్రీను. ‘భద్ర’, ‘తులసి’, ‘దమ్ము’, ‘సింహా’, ‘లెజెండ్’ వంటి వరుస బ్లాక్ బస్టర్ హిట్ చిత్రాలను అందించి, టాలీవుడ్ లో కమర్షియల్ మాస్ చిత్రాల డైరెక్టర్ గా మంచి గుర్తింపును సొంతం చేసుకున్నాడు.

అలాంటి బోయపాటి దర్శకత్వంలో రూపొందుతున్న తాజా చిత్రం ‘సరైనోడు’. స్టైలిష్ స్టార్ అల్లు అర్జున్, రకూల్ ప్రీత్ సింగ్ హీరోహీరోయిన్లుగా గీతా ఆర్ట్స్ బ్యానర్ పై ప్రముఖ నిర్మాత అల్లు అరవింద్ భారీ బడ్జెట్ తో నిర్మిస్తున్నారు. థమన్ సంగీతం అందించిన పాటలు ఇటీవలే విడుదలై మంచి టాక్ ను సొంతం చేసుకున్నాయి. కానీ థియేటర్ ట్రైలర్ మాత్రం బన్నీ అభిమానులను కంగారు పెడుతోంది.

కోటి రూపాయల ఖర్చుతో ‘సరైనోడు’ ఇంట‌ర్వెల్ బ్యాంగ్

‘సరైనోడు’ సినిమా థియేటర్ ట్రైలర్ లో వున్న యాక్షన్ సీన్లను చూస్తుంటే గతంలో బోయపాటి శ్రీను దర్శకత్వంలో వచ్చిన ‘దమ్ము’ చిత్రంలోని యాక్షన్ సీన్లు గుర్తొస్తున్నాయి. దీంతో ‘సరైనోడు’ చిత్రం కూడా ‘దమ్ము’ వలే ఫ్లాప్ అవుతుందేమోనని అనుమానం వ్యక్తం చేస్తున్నారు. ట్రైలర్ లో చూపించిన కొన్ని యాక్షన్ ఎపిసోడ్స్ ‘దమ్ము’ సినిమాలోని యాక్షన్ సీన్ల మాదిరిగానే తెరకెక్కించడంతో... ‘సరైనోడు’ యాక్షన్ సీన్లపై బన్నీ ఫ్యాన్స్ కంగారుపడుతున్నారు.

అయితే ఈ విషయాన్ని తెలుసుకున్న ‘సరైనోడు’ చిత్ర యూనిట్.... కొన్ని యాక్షన్ ఎపిసోడ్స్ ను కొత్తగా డిజైన్ చేసి, రీషూట్ చేసారని తెలిసింది. విడుదల తేది దగ్గరపడుతుండటంతో ఎలాంటి ఆలస్యం చేయకుండా సినిమా పనులు శరవేగంగా కొనసాగిస్తున్నారు. మరి ‘సరైనోడు’ సినిమాలోని పలు యాక్షన్ సీన్లు ‘దమ్ము’ సినిమాలోని సీన్లను రిపీట్ చేస్తాయో లేక కొత్తగా వుంటాయో అనే విషయం మరికొద్ది రోజుల్లో తెలియనుంది.

ఇక అభిమానుల కోసం మరో కొత్త ట్రైలర్ ను విడుదల చేయడానికి చిత్ర యూనిట్ ప్లాన్ చేసారు. ఈ ట్రైలర్ డైలాగ్స్, కామెడీ, పాటలు, యాక్షన్ సీన్లతో వుండేవిధంగా ఎడిటింగ్ చేసినట్లుగా తెలిసింది. భారీ అంచనాలతో రూపొందుతున్న ఈ చిత్రాన్ని ప్రపంచ వ్యాప్తంగా ఏప్రిల్ 22న విడుదల చేయనున్నారు.

- Sandy