సుక్కు సినిమా నుంచి నాగశౌర్య ఔట్?

Posted: 04/13/2016 01:00 PM IST

యువ హీరో నాగశౌర్య ప్రస్తుతం వరుస సినిమాలతో బిజీగా వున్నాడు. నాగశౌర్య నటిస్తున్న సినిమాలన్నీ కూడా మంచి ప్రేక్షకాదరణ పొందుతుండటంతో సినీ అవకాశాలు బాగానే వస్తున్నాయి. ఇదిలా వుంటే ప్రముఖ దర్శకుడు సుకుమార్ ఇటీవలే ప్రొడక్షన్ హౌస్ ఏర్పాటు చేసిన విషయం తెలిసిందే.

ఇందులో భాగంగా కొత్తవారితో సినిమాలు తీయాలని సుకుమార్ ఆలోచన. సుకుమార్ ప్రొడక్షన్ హౌస్ లో రామ్ ఆకేళ్ల దర్శకత్వంలో ఓ సినిమా రూపొందనుంది. ఈ సినిమాలో నాగశౌర్యను హీరోగా ఎంపిక చేసుకున్నారు. ఈ ప్రాజెక్ట్ స్టార్ అవ్వకుండా నాగశౌర్య ఆలస్యం చేస్తున్నాడట. దర్శక నిర్మాతలను గతకొద్ది రోజులుగా హోల్డ్ లో వుంచడం వల్ల... ఈ ప్రాజెక్టు నుంచి నాగశౌర్యను తప్పించాలని వారు నిర్ణయం తీసుకున్నట్లుగా టాలీవుడ్ లో వార్తలు వినిపిస్తున్నాయి.

ఇదే ప్రాజెక్ట్ ను వేరే యువ హీరోతో కొనసాగించాలని ఈ చిత్ర దర్శకనిర్మాతలు నిర్ణయం తీసుకున్నట్లుగా సమాచారం. మరి నాగశౌర్యకు మళ్లీ సుకుమార్ బ్యానర్లో నటించే అవకాశం వస్తుందో లేదో భవిష్యత్తులో తెలియనుంది. ప్రస్తుతం నాగశౌర్య నటిస్తున్న ‘ఒక మనసు’ చిత్రం విడుదలకు సిద్ధమవుతోంది. త్వరలోనే ప్రేక్షకుల ముందుకు రానుంది.