ఎన్టీఆర్ కు విలన్ లా మారిన జగసతిబాబు

Posted: 03/11/2016 11:45 AM IST

జీనియ‌స్ డైరెక్ట‌ర్ సుకుమార్ ద‌ర్శక్తంలో యంగ్‌టైగ‌ర్ ఎన్టీఆర్ హీరోగా తెర‌కెక్కిన నాన్నకు ప్రేమ‌తో ఎంత‌టి బ్లాక్‌బస్టర్ హిట్‌గా నిలిచిందో తెలియ‌నిది కాదు. ఈ సినిమా తర్వాత తార‌క్ ఫేటే మారిపోయింద‌ని చెప్పాలి. కేవ‌లం తార‌క్‌కే కాదు.అటు జ‌గ‌ప‌తి బాబుకు సైతం ఈ సినిమాలో మంచి మార్కులు పడ్డాయి. ప్రత్యర్దిని క‌నీసం దెబ్బకూడా కొట్టకుండా, అర‌వ‌కుండా చాలా కూల్‌గా క‌నిపించే విల‌న్ పాత్రలో జ‌గ‌ప‌తిబాబు చాలా చ‌క్కగా న‌టించాడు.ఓవ‌ర్ అనుకోక‌పోతే ఈ పాత్రకు జ‌గ‌ప‌తి బాబు మాత్రమే పెర్‌ఫెక్ట్‌గా సెట్ అయ్యాడు అన్నవాళ్ళూ లేక‌పోలేదు. తార‌క్‌, జ‌గ‌ప‌తి బాబు కాంబినేష‌న్ సినిమాకి హైలెట్‌గా నిలిచింది.ఇదిలావుంటే ఈ క్రేజీ కాంబినేష‌న్ మ‌రోసారి రిపీట్ కానుంద‌ట‌.

ప్రస్తుతం జ‌న‌తాగ్యారేజ్ షూటింగ్ ప‌నుల్లో బిజీగా ఉన్న తారక్ ఈ సినిమా త‌ర్వాత పూరి జ‌గ‌న్నాధ్‌తో ఓ సినిమా,వక్కంతం వంశీ దర్శకత్వంలో ఓ సినిమా చేయ‌నున్నట్లు తెలుస్తుంది. అయితే వ‌క్కంతం ద‌ర్శక‌త్వంలో తెర‌కెక్కబోయే సినిమాలో విల‌న్‌గా జ‌గ‌ప‌తిబాబుని తీసుకోవాల‌నుకుంటున్నార‌ట‌.సినిమా క‌థ ప్రకారం ఆ పాత్రకు జ‌గ‌ప‌తి బాబు అయితే ప‌ర్‌ఫెక్ట్ అని ఫీల్ అయిన ద‌ర్శకుడు త‌న చిత్రం కోసం జ‌గ‌ప‌తిబాబుని తీసుకోవాల‌ని ఫిక్స్ అయ్యాడ‌ట‌.జగపతిబాబు కూడా ఈ సినిమాకి నో చెప్పే అవకాశంలేదు. సో… రెండోసారి కలిసి చేయబోతున్న ఎన్టీఆర్, జగపతిబాబు ‘నాన్నకు ప్రేమతో’ మ్యాజిక్ ని రిపీట్ చేస్తారని ప్రత్యేకంగా చెప్పక్కర్లేదు.