కృష్ణవంశీ దర్శకత్వంలో బాలయ్య?

Posted: 02/24/2016 03:08 PM IST

నందమూరి బాలకృష్ణ 100వ సినిమా ఎలా వుండబోతుందోనని అభిమానులు ఎంతో ఆతృతగా ఎదురుచూస్తున్నారు. బాలయ్య 100వ సినిమాపై రోజుకో వార్త వినిపిస్తోంది. ఇప్పటికే సింగీతం శ్రీనివాస్ రావు, బోయపాటి శ్రీను, క్రిష్ వంటి దర్శకులు బాలయ్యతో 100వ సినిమా చేసేందుకు సిద్ధంగా వున్నారు. అయితే తాజాగా మరో దర్శకుడి పేరు వినిపిస్తోంది.

తెలుగు సినీ ఇండస్ట్రీలో క్రియేటివ్ డైరెక్టర్ గా తనకంటూ ఓ మంచి స్థానాన్ని దక్కించుకున్న దర్శకుడు కృష్ణవంశీ దర్శకత్వంలో బాలయ్య 100వ చిత్రం రూపొందనుందని తాజాగా టాలీవుడ్ లో వార్తలు వినిపిస్తున్నాయి. ఇటీవలే బాలయ్యకు కృష్ణవంశీ ఓ కథను వినిపించారట. ఆ కథ నచ్చడంతో కృష్ణవంశీకి బాలయ్య గ్రీన్ సిగ్నల్ ఇచ్చినట్లుగా తెలుస్తోంది.

ఒకవేళ అన్ని కుదిరితే కృష్ణవంశీ దర్శకత్వంలో బాలయ్య 100వ చిత్రం సెట్స్ పైకి వెళ్లడం ఖాయమని తెలుస్తోంది. అయితే ప్రస్తుతం ‘రుద్రాక్ష’ సినిమా ప్రీ ప్రొడక్షన్ కార్యక్రమాల్లో కృష్ణవంశీ బిజీగా వున్నాడు. మరి బాలయ్య రెడీ అంటే ‘రుద్రాక్ష’కు బ్రేకులు పడ్డాట్లేనని తెలుస్తోంది. మరి ఏం జరుగనుందో భవిష్యత్తులోనే తెలియనుంది.