రామ్ ప్రేయసితో మహేష్ జోడి?

Posted: 01/22/2016 04:24 PM IST

‘శ్రీమంతుడు’ తర్వాత మహేష్ బాబు హీరోగా నటిస్తున్న తాజా చిత్రం ‘బ్రహ్మోత్సవం’. శ్రీకాంత్ అడ్డాల దర్శకత్వంలో రూపొందుతున్న ఈ చిత్ర షూటింగ్ శరవేగంగా జరుగుతోంది. ‘బ్రహ్మోత్సవం’ తర్వాత మహేష్ హీరోగా ఏఆర్ మురుగదాస్ దర్శకత్వంలో ఓ చిత్రం తెరకెక్కనున్న విషయం తెలిసిందే..

ప్రస్తుతం సమాజంలో జరుగుతున్న అన్యాయాలు, న్యాయవ్యవస్థ, రాజకీయాల వంటి అంశాలపై రూపొందనున్న ఈ చిత్రానికి ‘ఎనిమి’ అనే టైటిల్ ను పరిశీలిస్తున్నట్లుగా తెలుస్తోంది. ఇప్పటికే స్ర్కిప్ట్ పనులను పూర్తిచేసిన మురుగదాస్.. ప్రీ ప్రొడక్షన్ పనులను పూర్తి చేసే పనిలో బిజీగా వున్నాడు.

అయితే ఈ సినిమాలో మహేష్ సరసన హీరోయిన్ గా హిందీ, తమిళం, మలయాళం, కన్నడలోని అందమైన భామలను అనుకున్నారు. కానీ వీరెవరూ కూడా మహేష్ కు జోడిగా సెట్ అవ్వారని, చివరకు ‘శైలజ’ను ఫైనలైజ్ చేసినట్లుగా తెలుస్తోంది. ఇటీవలే తెలుగులో ‘నేను శైలజ’తో హీరోయిన్ గా ఎంట్రీ ఇచ్చిన కీర్తి సురేష్ ను మహేష్ కు జోడిగా తీసుకోబోతున్నట్లుగా తెలుస్తోంది. త్వరలోనే అధికారికంగా ప్రకటించనున్నారు.