భారీ రేటుకు ఓకే బంగారం శాటిలైట్ రైట్స్ అమ్మకం

Posted: 06/23/2015 10:14 AM IST

మణిరత్నం దర్శకత్వంలో తెరకెక్కిన తాజా రొమాంటిక్ ప్రేమకథా చిత్రం ‘ఓకే బంగారం’. తెలుగు, తమిళ భాషలలో ఒకేసారి విడుదలైన ఈ చిత్రం మంచి టాక్ ను సంపాదించుకున్నప్పటికీ, కమర్షియల్ హిట్ అవ్వలేకపోయింది. నిత్యామీనన్, దుల్కర్ సల్మాన్ జంటగా నటించిన ఈ చిత్రానికి ఏఆర్ రెహమాన్ సంగీతం అందించాడు.

ఈ చిత్రాన్ని తెలుగులో ప్రముఖ నిర్మాత దిల్ రాజు విడుదల చేసారు. అయితే తాజా సమాచారం ప్రకారం ఈ చిత్ర తెలుగు శాటిలైట్ రైట్స్ అమ్ముడుపోయినట్లుగా తెలిసింది. ప్రముఖ జీ తెలుగు ఛానెల్ వారు ఈ చిత్ర శాటిలైట్ రైట్స్ ను దక్కించుకున్నట్లుగా తెలిసింది. యూత్ ఫుల్ లవ్ రొమాంటిక్ ఎంటర్ టైనర్ గా రూపొందిన ఈ చిత్రం యూత్ కు బాగా దగ్గరయ్యింది. మరి బుల్లితెర మీద ఎలా వుండనుందో చూడాలి.