రాంచరణ్ సొంత బ్యానర్ టైటిల్ ఇదేనా?

Posted: 06/24/2015 10:08 AM IST

మెగాస్టార్ చిరంజీవి 150వ సినిమా కోసం మెగా అభిమానులు ఎంతగానో ఎదురుచూస్తున్నారు. ప్రముఖ క్రేజీ డైరెక్టర్ పూరీ జగన్నాథ్ దర్శకత్వంలో తెరకెక్కనున్న ఈ చిత్రానికి ‘ఆటోజానీ’ అనే టైటిల్ ను ఖరారు చేసారు. చిరంజీవి నటించబోయే 150వ చిత్రాన్ని మెగాపవర్ స్టార్ రాంచరణ్ తేజ తన సొంత బ్యానర్లో నిర్మించనున్నాడనే విషయం తెలిసిందే.

మరి సొంత బ్యానర్ పేరు ఏమయ్యి వుంటుందా అని అభిమానుల్లో ఒకటే ఉత్కంఠ. అయితే తాజా సమాచారం ప్రకారం ఈ సొంత బ్యానర్ కు ఓ పేరు ఖరారు చేసినట్లుగా తెలిసింది. ఈ బ్యానర్ కు ‘రాంచరణ్ ఎంటర్ టైన్మెంట్స్’ అనే టైటిల్ ఖరారు చేసినట్లుగా తెలిసింది. త్వరలోనే అధికారికంగా ప్రకటించనున్నారు.

ప్రస్తుతం ఈ చిత్రానికి సంబంధించిన స్ర్కిప్టు పనులు శరవేగంగా జరుగుతున్నాయి. ఆగష్టులో ఈ ప్రాజెక్టు సెట్స్ పైకి వెళ్లనుంది. భారీ అంచనాలతో రూపొందనున్న ఈ చిత్ర కథ ఫస్ట్ హాఫ్ ను ఇటీవలే దర్శకుడు పూరీ జగన్నాథ్ చిరంజీవికి వినిపించాడట. చిరు విని చాలా సంతోషంగా వున్నాడట. ఫస్ట్ హాఫ్ ను మించి, సెకండ్ హాఫ్ వుండేలా పూరీ మరింత అద్భుతంగా కథను సిద్ధం చేస్తున్నారు.

అలాగే రాంచరణ్ నటిస్తున్న కొత్త చిత్ర షూటింగ్ కూడా శరవేగంగా జరుగుతోంది. శ్రీనువైట్ల దర్శకత్వంలో తెరకెక్కుతున్న ఈ చిత్రంలో చరణ్ సరసన తొలిసారిగా రకుల్ ప్రీత్ సింగ్ హీరోయిన్ గా నటిస్తుంది. ‘డి.వి.వి. ఎంటర్టైన్మెంట్స్ ఎల్ ఎల్ పి.’ పతాకం పై శ్రీమతి డి. పార్వతి సమర్పణలో ప్రముఖ నిర్మాత దానయ్య డి.వి.వి. నిర్మిస్తున్నారు. థమన్ సంగీతం అందిస్తున్నాడు. త్వరలోనే ఈ చిత్రం ప్రేక్షకుల ముందుకు రానుంది.