ఈసారి రుద్రమదేవి విడుదలకు ముహూర్తం పెట్టారా?

Posted: 04/30/2015 11:39 AM IST

‘రుద్రమదేవి’ చిత్రం విడుదలపై రోజుకో వార్త వినిపిస్తుంది. ఎప్పుడో షూటింగ్ పూర్తయిన ఈ చిత్రం ఇంకా పోస్ట్ ప్రొడక్షన్, రీరికార్డింగ్ పనులతో బిజీగా వుంది. గుణశేఖర్ స్వీయ దర్శక నిర్మాణంలో తెరకెక్కిన ఈ చిత్రానికి ఇళయరాజా సంగీతం అందించారు. ఇటీవలే విడుదలైన ఆడియోకు మంచి స్పందన వస్తుంది.

అలాగే ఫస్ట్ లుక్ ట్రైలర్ కు మంచి ప్రశంసలు దక్కాయి. అనుష్క, రానా, అల్లు అర్జున్ ప్రధాన పాత్రలలో నటించిన ఈ చిత్రం విడుదల రోజురోజుకి వాయిదా పడుతూనే వస్తోంది. ఈ చిత్రాన్ని ముందుగా ఏప్రిల్ 23న విడుదల చేయాలని అనుకున్నారు.

కానీ ఇంకా గ్రాఫిక్స్ వర్క్, టెక్నికల్ వర్క్ పూర్తికాకపోవడంతో వాయిదా వేస్తున్నారు. తాజా సమాచారం ప్రకారం ఈ చిత్రాన్ని మే 22న ప్రపంచ వ్యాప్తంగా విడుదల చేయడానికి ముహూర్తం ఖరారు చేసినట్లుగా తెలిసింది. భారీ బడ్జెట్ తో తెరకెక్కుతున్న ఈ చిత్రాన్ని దర్శకుడు గుణశేఖర్ టీం చాలా ప్రతిష్టాత్మకంగా రూపొందిస్తున్నారు.

ఇందులో అనుష్క, రానా, అల్లు అర్జున్ లతో పాటు కృష్ణం రాజు, నిత్య మీనన్, కేథరిన్, హంసా నందిని, ప్రకాష్ రాజ్ తదితరులు ముఖ్య పాత్రల్లో నటించారు. ఈ చిత్రం గురించి త్వరలోనే అన్ని వివరాలు అధికారికంగా ప్రకటించనున్నారు.