సుధీర్ కొత్త టైటిల్ మోసగాళ్లకు మోసగాడు

Posted: 02/04/2015 03:25 PM IST

గతంలో సూపర్ స్టార్ కృష్ణ నటించిన ‘మోసగాళ్లకు మోసగాడు’ చిత్రం అప్పట్లో మంచి విజయం సాధించింది. కౌబాయ్ పాత్రలో కృష్ణ గారి నటన అద్భుతం. ఇపుడు అదే టైటిల్ తో కృష్ణ అల్లుడు రావడానికి సిద్ధమవుతున్నాడు. కృష్ణ అల్లుడు, మహేష్ బావ అయినటువంటి ప్రముఖ నటుడు సుధీర్ బాబు ‘ప్రేమకథాచిత్రమ్’ సినిమాతో హీరోగా తనని తాను నిరూపించుకున్నాడు.

ఈ సినిమా తర్వాత సుధీర్ నటించిన దాదాపు అన్ని చిత్రాలు అట్టర్ ఫ్లాప్ అయ్యాయి. దీంతో మళ్లీ హిట్ కొట్టాలనే వుద్దేశ్యంతో కన్నడంలో విజయం సాధించిన ‘చార్మినర్’ చిత్రాన్ని తెలుగులో రీమేక్ చేస్తున్నాడు. ‘కృష్ణమ్మ కలిపింది ఇద్దరినీ’ పేరుతో తెరకెక్కుతున్న ఈ సినిమాలో సుధీర్, నందితలు హీరోహీరోయిన్లుగా నటిస్తున్నారు. ప్రస్తుతం ఈ చిత్ర షూటింగ్ శరవేగంగా జరుగుతోంది. ఇటీవలే విడుదలైన పాటలు, ట్రైలర్లకు మంచి స్పందన వస్తోంది.

ఈ సినిమా తర్వాత ఎఎన్ బోస్ దర్శకత్వంలో సుధీర్ బాబు హీరోగా ఓ చిత్రం తెరకెక్కుతుంది. ఈ చిత్రం ఇప్పటికే సెట్స్ పైకి వెళ్లిన ఈ చిత్రాన్ని ‘స్వామిరారా’ చిత్ర నిర్మాత చక్రి చిగురుపాటి నిర్మిస్తున్నాడు. ఈ సినిమాకు ‘మోసగాళ్ళకు మోసగాడు’ అనే టైటిల్ ని పరిశీలిస్తున్నట్టు సమాచారం. త్వరలోనే ఈ చిత్రాన్ని కూడా ప్రేక్షకుల ముందుకు తీసుకురానున్నారు. ఈ చిత్రానికి సంబంధించిన మరిన్ని వివరాలు త్వరలోనే తెలియనున్నాయి.