సోనాక్షిని వెంటాడుతున్న మానసిక సమస్యలు..

Posted: 02/05/2015 01:59 PM IST

‘దబాంగ్’ సినిమాతో బాలీవుడ్ తెరకు ఎంట్రీ ఇచ్చిన సోనాక్షీ సిన్హా.. అతి తక్కువ కాలంలోనే ఇండస్ట్రీలో తనకంటూ ప్రత్యేక ఇమేజీని సాధించింది. తండ్రి వారసత్వంతో పరిశ్రమలో వచ్చినప్పటికీ.. తన అందంతో, నటనాప్రతిభతో అందరినీ మైమరిపించింది. అందుకే.. ఈ అమ్మడికి వరుసగా ఆఫర్లు వస్తుంటాయి. ప్రస్తుతం ఈ అమ్మడికి వున్న రేంజ్ బాలీవుడ్’లో ఏ తారకూ లేదు. కానీ.. ఎవరికీ తెలియని కొన్ని మానసిక సమస్యలను మాత్రం ఈమెను వెంటాడుతున్నాయట! అన్ని సౌకర్యాలు అందుబాటులో వున్న.. ఈ అమ్మడు వాటితో సంతృప్తి చెందలేకపోతోందని, కెమెరాముందు నవ్వుతున్నా మనసులో మాత్ర ఆవేదనకు గురవుతోందని సమాచారం! ఈమె పడుతున్న మనోవేదనను చూసి ఇండస్ట్రీలో వున్నవాళ్లు ఈమెపై జాలీ చూపుతున్నారట! అంతా సవ్యంగానే జరుగుతున్నా.. ‘సోనాక్షీకి ఈ కష్టాలెందుకో?’నంటూ ప్రశ్నించుకుంటున్నారు. అయితే.. ఇదంతా రియల్ లైఫ్’లో కాదులెండి.. రీల్ లైఫ్ లో!

కమర్షియల్, సందేశాత్మక చిత్రాలను తెరకెక్కించడంలో తనకంటూ ప్రత్యేక ఇమేజ్ క్రియేట్ చేసుకున్న ఏ.ఆర్.మురగదాస్.. హిందీలో ఓ సరికొత్త కథాంశంతో చిత్రాన్ని తీయాలని గతకొన్నాళ్ల నుంచి ప్లాన్ చేస్తున్నాడట! తాను సిద్ధం చేసుకున్న కథలో మెయిన్ లీడ్ పాత్రకు సోనాక్షీ సిన్హాయే సరిపోతుందన్న భావనతో ఆమెను ఈ చిత్రంలో తీసుకోవాలని ఫిక్స్ అయ్యాడట! ఈ సినిమా కథ మొత్తం ఆమె చుట్టూ తిరుగుతుందని, ఇందులోనే ఆమె మానసిక సమస్యలున్న అమ్మాయి పాత్రను పోషిస్తుందని అంటున్నారు. ఒక్క మాటలో చెప్పాలంటే.. ఈ పాత్ర ఆమెకు ఛాలెంజింగ్’గా వుంటుందని యూనిట్ బృందం చెబుతోంది. సస్సెన్స్ థ్రిల్లర్’తో కూడిన కథాంశాన్ని తయారుచేసుకున్న నేపథ్యంలో సోనాక్షియే ప్రధాన పాత్రకు సరిపోతుందన్న నమ్మకంతో.. మురగదాస్ ఆమె డేట్స్’ను ముందుగానే బ్లాక్ చేసి పెట్టుకున్నాడని సమాచారం!

ఇక ఇందులో ఆమెకు జోడీగా అర్జున్ కపూర్’ని తీసుకునే యోచనలో దర్శకుడు మురగదాస్ వున్నాడు. అలాగే ఇతర పాత్రలకోసం కావాలసిన ఆర్టిస్టుల ఎంపిక కోసం డైరెక్టర్ ముంబైలోనే వున్నాడని, మార్చి నుంచి ఈ మూవీ షూటింగ్’ను ప్రారంభించేందుకు సన్నాహాలు చేస్తున్నాడని వార్తలొస్తున్నాయి. మరి.. ఈ చిత్రానికి సోనాక్షీ గ్రీన్ సిగ్నల్ ఇచ్చిందా..? లేదా..? అన్నది ఇంకా తెలియాల్సి వుంది. ఒకవేళ ఆమె ఈ మూవీకి ఓకే చెబితే.. నిజంగా ఆమె కెరీర్’లో ఈ చిత్రం ఓ మైలురాయి అవుతుందని చెబుతున్నారు.

AS