సింహాతో రొమాన్స్ కు భామ ఒప్పుకుంటుందా?

Posted: 02/04/2015 02:56 PM IST

నందమూరి బాలకృష్ణ నటిస్తున్న ‘లయన్’ సినిమా విడుదలకు సిద్ధమవుతోంది. ఎస్.ఎల్.వి సినిమా సంస్థలో నిర్మాత రుద్రపాటి రమణారావు నిర్మిస్తున్న ఈ చిత్రానికి సత్యదేవా దర్శకత్వం వహిస్తున్నారు. త్రిష, రాధిక ఆప్టే హీరోయిన్లుగా నటిస్తున్నారు. ఇటీవలే విడుదలై ఫస్ట్ లుక్ ట్రైలర్ మంచి స్పందన వస్తోంది. త్వరలోనే ఆడియో విడుదల చేసి, సినిమాను కూడా తొందర్లోనే ప్రేక్షకుల ముందుకు తీసుకురావడానికి సన్నాహాలు చేస్తున్నారు.

ఈ సినిమా తర్వాత బాలయ్య చేయబోయే 99వ చిత్రానికి శ్రీవాస్ దర్శకత్వం వహించనున్నాడు. ఈ చిత్రానికి కోన వెంకట్, గోపి మోహన్ లు కథను సిద్ధం చేస్తున్నారు. ఇప్పటికే ప్రీ ప్రొడక్షన్ పనులు దాదాపు పూర్తయిన ఈ ప్రాజెక్ట్ ఫిబ్రవరి నెల చివరి వారంలో ప్రారంభం కానుందని సమాచారం. అయితే ఇందులో బాలయ్య సరసన మొదటి హీరోయిన్ గా ఇప్పటికే నయనతార ఎంపిక చేసిన విషయం తెలిసిందే.

అయితే మరో హీరోయిన్ గా బొద్దుగుమ్మ హన్సికను ఎంపిక చేయనున్నారని తెలిసింది. ఇటీవలే చిత్ర దర్శక,నిర్మాతలు హన్సికను సంప్రదిస్తే... కొంత సమయం కావాలని చెప్పుకొచ్చిందట. మరి బాలయ్యతో చేయడానికి హన్సిక ఓకే చెబుతుందో లేదో చూడాలి. ఈ చిత్రాన్ని ప్రముఖ నిర్మాణ సంస్థ ఈరోస్ ఇంటర్నేషనల్ వారు నిర్మించనున్నట్లుగా తెలిసింది.