సెంటిమెంట్ మారింది.., ఏకంగా సినిమా ఆగింది

Posted: 12/06/2014 03:00 PM IST

‘అదృష్టం అడ్డం తిరిగితే అరటి పండు తిన్నా పన్ను విరుగుతుందని’ ఓ సినిమాలో అల్లు అర్జున్ చెప్పాడు. మహేష్ కు కూడా ఇలాగే అవుతోంది. కొద్దికాలంగా సూపర్ స్టార్ ను వరుసగా సినిమా కష్టాలు వెంటాడుతున్నాయి. వరుసగా రెండు సినిమాలు ఫ్లాప్ కాగా.., తాజా సినిమా ఇబ్బందులు ఎదుర్కుంటోంది. ఇన్ని రోజులు హీరోయిన్ లేక షూటింగ్ ఆగిపోగా., ఇప్పుడు విలన్ వల్ల ఆలస్యం అవుతోంది. వీటివల్ల మహేష్ ఇబ్బందిడుతుండగా.., మరోవైపు కష్టాలకు ఆయనే కారణం అని గుసగుసలు విన్పిస్తున్నాయి.

సెంటిమెంట్లను ఎక్కువగా ఫాలో అయ్యే హీరోల లిస్ట్ లో మహేష్ కూడా ఉంటాడు. సినిమాలో స్ర్కిప్టులతో పాటు.., సెంటిమెంట్లు కూడా చూసుకుంటాడు. టైటిల్ మూడు అక్షరాలతో పాటు చివర ‘డు’ వచ్చేలా ఉండటం ఈ సెంటిమెంట్ లో భాగమే. అంతేకాకుండా సినిమాలో తొలి షాట్ ను తనపై తీయకుండా జాగ్రత్తలు తీసుకుంటాడు. అయితే ‘ఆగడు’ విషయంలో ఈ సెంటిమెంట్ బెడిసికొట్టింది. దీంతో ఆయన నమ్ముకునే సెంటిమెంట్లు కొన్నిటిని మార్చేశాడు. తొలి షాట్ ను తనపైనే తీయించుకున్నాడు. ఇది అప్పట్లో హాట్ టాపిక్ అయింది. మహేష్ మారిపోయాడు అని తెగ చర్చ జరిగింది.

ఈ సెంటిమెంట్ సూపర్ స్టార్ ను ఆదుకోవటం అటుంచితే.., సినిమాకు మాత్రం ఇబ్బంది కల్గిస్తోందని గుసగుసలు విన్పిస్తున్నాయి. తొలి షాట్ ను తనపై తీయించుకోవటం వల్లే సినిమాకు ఇలా ఇబ్బందులు వస్తున్నాయని కొందరు జోకులేసుకుంటున్నారు. ఇక సినిమా ఇబ్బందులపై డైరెక్టర్ కొరటాల శివ క్లారిటి ఇచ్చాడు. హీరోయిన్ వచ్చే వారం షూటింగ్ లో జాయిన్ అవుతుందని చెప్పాడు. ఇక వయసు రిత్యా వచ్చే సమస్యల్లో ఒకటైన వెన్నునొప్పి నుంచి జగపతి త్వరలోనే కోలుకుంటాడని ఆయన ఫ్యాన్స్ ఆశిస్తున్నారు.

కార్తిక్