5 సార్లు వీగిపోయి బ్రహ్మచారిగానే ఉంటానంటున్న సల్లూ భాయ్

Posted: 07/28/2014 12:03 PM IST

హిందీ సినీ హీరో, కండల వీరుడుగాను, హిందీ సినీ పరిశ్రమలో ఎక్కువ మందితో సన్నిహిత సంబంధమున్నట్లుగానూ పేరుగాంచిన సల్మాన్ ఖాన్ తనికి పెళ్ళిచేసుకోనంటున్నాడు.  వరుసగా సినిమాలలో విజయం సాధిస్తూ వస్తున్న సల్మాన్ ఖాన్ తన శరీరాన్ని తీర్చి దిద్దుకునే పనిలో పడి, హీరోయిన్లతో చెలిమికి ప్రాధాన్యనిస్తూ పెళ్ళి సంబంధాల వైపు దృష్టి పెట్టక ముదిరిన బ్రహ్మచారయ్యాడు.  

5 సందర్భాల్లో సల్మాన్ పెళ్ళి చేసుకుంటాడనే అందరూ అనుకున్నారు కాని అవేమీ ముందుకు సాగలేదు.  ఈ విషయంలో టివి ఇంటర్వ్యూలో మాట్లాడిన సల్మాన్ ఖాన్ తను బహుశా జీవితంలో పెళ్ళి చేసుకోకపోవచ్చునని స్పష్టంగా తెలియజేసారు.   ఈ ఇంటర్వ్యూ డిడి న్యూస్ లో 27 రాత్రి 9.30 ప్రసారమైంది.  తిరిగి ఆదివారం రాత్రి 11.30 కి రిపీట్ అయింది.

ఐశ్వర్య రాయ్, కత్రినా కైఫ్ తో సన్నిహితంగా మెలగటం అందరికీ తెలిసిందే.  ఐశ్వర్య రాయ్ ని సల్మాన్ పెళ్ళి చేసుకుంటాడనే అందరూ అనుకున్నారు.  ఐశ్వర్యని ఏమైనా అంటే సల్మాన్ కి కోపం వస్తుందని కూడా సినీ పరిశ్రమలో జోక్ లు వేసుకుంటుండేవారు.  సల్మాన్ అభిమానులు కూడా ఆ శుభవార్త వినటానికి ఎదురు చూసారు.  కానీ అది అవలేదు. రొమేనియన్ సుందరి లూలియా వంటూర్ ని ప్రేమించానని, త్వరలో పెళ్ళి చేసుకుంటానని అన్నాడు.  కానీ ఆమె గ్రామీ అవార్డ్ కి నామినేట్ అయిన మ్యూజిషియన్ ని పెళ్ళి చేసుకుంటానని ప్రకటించింది.  కత్రినా కైఫ్ తో స్నేహం ముదురుతోందని, పెళ్ళికి దారితీస్తుందని అందరూ అనుకున్నారు వాళ్ళిద్దరి జోడీ బాగుంటుందని కూడా అభిమానులంతా ఆశపడ్డారు.  కానీ ఎందుకో ఇద్దరూ గొడవపడి విడిపోయారు.  నటి సంగీతా బిజ్లానీ తో సల్మాన్ ఖాన్ కి పెళ్ళవుతుందని పుకార్లు వచ్చాయి.  కానీ ఆమె క్రికెటర్ అజారుద్దీన్ ని పెళ్ళి చేసుకుంది.  ఆందోళన్, తీస్రా కౌన్ లో నటించిన సోమి అలితో సల్మాన్  ఖాన్ స్నేహం కొంతకాలం సాగింది కానీ ఆమె యుఎస్ కి వెళ్ళిపోయి అక్కడ చిన్నపిల్లల కోసం స్వచ్ఛంద సేవా సంస్థను ప్రారంభించింది.  ఇప్పుడు సల్మాన్ కూడా తనిక సమాజసేవలో చిన్న పిల్లల సంక్షేమం కోసం పాటుపడతానని, చిన్నపిల్లలకు సేవచేసుకుంటూ జీవితమంతా గడిపేస్తానంటున్నాడు.  

-శ్రీజ