హృతిక్ రోషన్ విడాకుల ఖరీదు 400 కోట్లు?

Posted: 07/29/2014 03:33 PM IST

Hrithik roshan divorce costs rs 400 crore

అన్యోన్య దంపతులుగా పేరుగాంచిన హృతిక్ రోషన్, సుసాన్ ల వైవాహిక జీవితంలో ఉన్నట్టుండి పొరపచ్చలు రావటం అందరినీ ఆశ్చర్య చకితులను చేసింది. హృతిక్ రోషన్ బాడీ షేప్ లను చూస్తే అతను సంసారానికంటే వ్యాయామానికే ఎక్కువ శ్రద్థ చూపిస్తున్నాడేమో అని కొందరంటే, కాదు వాళ్ళ ఇంటికి తరచుగా అర్జున్ రాంపాల్ వలన కలతలు వచ్చి విడాకులకు దారితీసిందా అని కొందరు అనుమానాన్ని వ్యక్తపరిస్తే అర్జున్ రాంపాల్ అలాంటిదేమీ లేదని ప్రకటన చెయ్యటం కూడా జరిగింది. ఇద్దరి మధ్య ఏం జరిగిందో బయటకు రాలేదు కానీ ఇద్దరూ కలిసే విడాకులు కోరారు. ఒకరి మీద మరొకరు మీడియాలో ఫిర్యాదులు చెయ్యటం లాంటి పనులేమీ చెయ్యలేదు. కానీ విడిగా జీవిస్తున్నారు, విడాకులనే కోరుకుంటున్నారు. వాళ్ళ అబ్బాయి పుట్టిన రోజున ఇద్దరూ లోనావాలా లో కలిసినట్లుగా కూడా తెలిస్తోంది.

అయితే తాజాగా సుసాన్ ఖాన్ భరణంగా 400 కోట్ల రూపాయల వరకు డిమాండ్ చేస్తున్నట్లుగా వచ్చిన వార్త మరోసారి అందరినీ ఆశ్చర్యపరచింది. అందుకు హృతిక్ 380 కోట్ల వరకు ఇవ్వటానికి అంగీకరించినట్లుగా కూడా వార్తలు వచ్చాయి. విడాకులకు కోర్ట్ లో ఫైల్ చేసిన తర్వాత సెపరేట్ గా ఉంటూనే, ఒకరి మీద మరొకరు ఆరోపణలేమీ చేసుకోలేదు సరికదా వాళ్ళ పిల్లల కోసం ఇద్దరూ ఎన్నో సందర్భాల్లో కలిసినట్లుగా ఎన్ డి టివి వార్తల్లో తెలియజేసింది.

అయితే అంత అన్యోన్యత, పరస్పర అవగాహనలున్నా, దేనికి దానికే నంటూ సుసాన్ 400 కోట్లను అడగటం, బేరమాడి దాన్ని 380 కి హృతిక్ రోషన్ తగ్గించటం జరిగింది.

-శ్రీజ