కొత్త అవతారంలో ప్రియాంక

Posted: 05/22/2014 12:09 PM IST

Priyanka chopra as a producer for madam ji movie

బాలీవుడ్ హాట్ బ్యూటీ ప్రియాంక చోప్రా ప్రస్తుతం టాప్ స్థానంలో ఉంది. ఇలాంటి సంధర్భంలోనే నాలుగు రాళ్లు వెనక్కి వేసుకునే ప్రయత్నం చేస్తుంది ప్రియాంక. ప్రస్తుతం ప్రియాంక ఓ చిత్రాన్ని నిర్మించాలనే ఆలోచనలో ఉంది. ప్రముఖ దర్శకుడు మధుర్ బండార్కర్ దర్శకత్వంలో ‘మేడమ్ జీ’ అనే చిత్రం తెరకెక్కనుంది. ప్రియాంక టైటిల్ రోల్ చేయనుంది. ఓ మాములు హాట్ ఐటెం సాంగ్ డాన్సర్ రాజకీయ నాయకురాలిగా ఎలా మారిందనే కథాంశంతో ఈ చిత్రం తెరకెక్కనుంది. ఈ కథ ప్రియాంకకు బాగా నచ్చడంతో తానే ఈ సినిమాను నిర్మిస్తానని మధుర్ ని అడిగిందని, దాంతో మధుర్ కూడా వెంటనే గ్రీన్ సిగ్నల్ ఇచ్చాడని తన సన్నహితుల ద్వారా తెలిసింది.

అయితే పైన చెప్పిన కథాంశం వింటుంటే తమిళనాడు ముఖ్యమంత్రి జయలలిత సినీరాజకీయ జీవితం గుర్తొస్తుంది కదూ. గతకొద్దిరోజులుగా జయలలిత సినీ,రాజకీయ ప్రస్థానంపై ఓ సినిమా తెరకెక్కబోతుందనే వార్తలు వస్తున్నాయి. మరీ ఆ సినిమా ఇదేనా అనే సందేహం ప్రస్తుతం అందరిలో ఏర్పడుతుంది. అప్పట్లో జయలలిత ఎంత గ్లామర్ గా నటించి జనాలకు మత్తెక్కించిందో అందరికి తెలిసిందే. మరీ జయలలితలోని కేవలం మంచి భాగాన్ని మాత్రమే తెరకెక్కిస్తారో లేక అన్నికోణాలను చూపిస్తారో త్వరలోనే తెలియనుంది.

గతంలో మధుర్ దర్శకత్వంలో ప్రియాంక నటించిన ‘ఫ్యాషన్’ చిత్రం మంచి విజయం సాధించడంతో పాటుగా, ప్రియాంకకు నటిగా మంచి పేరును సంపాదించి పెట్టింది. దాంతో మరోసారి అవకాశం రావడంతో నిర్మాతగా మారిపోయిందని తెలిసింది. త్వరలోనే షూటింగ్ ప్రారంభం కానున్న ఈ సినిమా ప్రియాంక మేడమ్ కు ఎలాంటి లాభాలను అందిస్తుందో చూడాలి.

Sandy