హన్సికను బజారుకు లాగుతున్నారు

Posted: 04/17/2014 03:20 PM IST

పాపం... బబ్లీ బ్యూటీ హన్సికకు అన్ని కష్టాలే వచ్చి పడుతున్నాయి. అసలే ప్రేమలో ఫెయిల్ అయ్యిన బాధలో ఉంటే, తాను ఇటీవలి కాలంలో నటించిన సినిమాలు ఆశించినంత విజయాన్ని సొంతం చేసుకొక పోవడం మరింత డిప్రెషన్ లోకి కూరుకుపోన హన్సికను ప్రశాంతంగా ఉండనీయకుండా బజారుకు లాగే ప్రయత్నం చేస్తున్నారు తమిళ దర్శక నిర్మాతలు.

ఈ అమ్మడు తను ప్రాణానికి ప్రాణంగా ప్రేమించిన శింబుతో కలిసి ‘వాలు ’ అనే సినిమాకు కమీట్ అయ్యిన హన్సిక ఈ సినిమా షూటింగ్ సమయంలో ఇద్దరి మధ్య బ్రేకప్ రావడంతో , అప్పటి నుండి  ఈ సినిమా షూటింగ్‌కి హాజ‌రు కావ‌డం లేద‌ని... ఆ చిత్ర నిర్మాత‌లు త‌మిళ చల‌న చిత్ర వాణిజ్య మండ‌లికి ఫిర్యాదు చేశారు. దీని పై హన్సిక కాస్త ఘాటుగానే స్పందించింది. ఎన్నిసార్లు డేట్లు ఇమ్మంటారు..?? ఒప్పందం ప్రకారం అనుకొన్న కాల్షీట్ల‌ను ఇచ్చాను. అద‌నంగా అడిగినప్పుడు మ‌ళ్లీ ఇచ్చా.

ఇప్పుడు మ‌ళ్లీ మ‌ళ్లీ అడుగుతున్నారు. నా ప‌ని నేను స‌క్రమంగా చేశా. అయినా న‌న్ను బజారుకు లాగే ప్రయత్నం చేస్తున్నారు. కావాల‌ని నా ప‌రువుకు భంగం క‌లిగించే ప‌నులు చేస్తుంటే నేను ఊరుకోను హెచ్చరించినంత పని చేసింది. కానీ ఆమె స్నేహితులు, సన్నిహితులు మాత్రం ఎవరితో పెట్టుకున్నా, దర్శక, నిర్మాతలతో మాత్రం పెట్టుకోకని సలహాలు ఇస్తున్నా వారి మాటను పట్టించుకోవడం లేదు.

కానీ వ్యవహారం వెనుక శింబు హస్తం ఉండే ఉంటుందని, తన ప్రేమను కాదన్నందుకే ఇలా బజారుకు లాగేందుకు తమిళ దర్శక, నిర్మాతలతో ఫిర్యాదు చేయిస్తున్నాడనే అనుమానాన్ని వ్యక్తం చేస్తుంది. చూద్దాం ముందు ముందు ఈ వ్యవహారం ఎంత దూరం వెళుతుందో.