పవన్ మూడో పెళ్ళి చేసుకున్నాడా ?

Posted: 12/25/2013 06:26 PM IST

పవన్ కళ్యాణ్ పై ఇటీవలి కాలంలో వెబ్ మీడియాలో రకరకాల వార్తలు సంచరిస్తున్న విషయం తెలిసిందే. పవన్ రాజకీయాల్లోకి వస్తున్నాడని, టీడీపీ పార్టీలో చేరబోతున్నాడని, ఏపీలో ఆమ్ ఆద్మీ పార్టీకి అధ్యక్ష బాధ్యతలు చేపట్ట బోతున్నాడని ఇలా రకరకాలుగా వార్తలు వచ్చినా వాటిల్లో ఏది నిజమని తేలలేదు. పవన్ కూడా వాటి స్పందించలేదు.

ఇప్పుడు ఉన్నట్లుండి ఆయన పర్సనల్ లైఫ్ పై ఓ వార్త హల్ చల్ చేస్తుంది. ఇప్పటికే రెండు పెళ్లిళ్ళు చేసుకున్న పవన్ కళ్యాణ్ రెండో భార్య రేణు దేశాయ్ తో గత కొంత కాలంగా దూరంగా ఉంటున్న విషయం తెలిసిందే. ఈ నేపథ్యంలో  ఆస్ర్టేలియన్ నటి, తీన్‌మార్ కోస్టార్ డానా మార్క్స్‌తో సహజీవనం చేస్తున్నాడని , వీరిద్దరి ప్రేమకి గుర్తుగా ఓ పాప కూడా పుట్టిందని, గత కొంత కాలం క్రితమే రహస్యంగా వివాహం చేసుకున్నాడని, రూమర్ల మీద రూమర్లు వచ్చాయి.

తాజాగా దానికి సంబంధించి... పవన్ మూడో పెళ్లి నిమిత్తం రిజిస్ట్రేషన్ కోసం దరఖాస్తు చేసుకున్నాడని తెలుగు పత్రిక ఓ కథనాన్ని ప్రచురించింది. అందుకోసం ఆయన ప్రభుత్వానికి సమర్పించేందుకు ఓ అఫిడవిట్ కూడా సిద్ధం చేసుకున్నట్లుగా ఆ కథనంలో పేర్కొన్నారు. అసలే టాలీవుడ్ మొత్తం పవనిజం మేనియాతో ఊగిపోతుంది. ఈయన సినిమాలు రికార్డుల మీద రికార్డులు సాధిస్తున్నాయి. ఇలాంటి టైంలో పవన్ ఇమేజ్ ని డ్యామేజ్ చేయడానికే ఇలాంటి పుకార్లు పుట్టిస్తున్నారని ఆయన ఫ్యాన్స్ అంటున్నారు. మరి ఈ వార్తల పై పవన్ స్పందిస్తే గానీ అసలు విషయం తెలియదు.