అంతా చరణ్ వల్లే అంటున్న ప్రియాంక

Posted: 12/25/2013 11:58 AM IST

టాలీవుడ్ మెగా పవర్ స్టార్ రామ్ చరణ్ తేజ్ కి 2013 సంవత్సరం అస్సలు కలిసి రాలేదనే చెప్పాలి. తాను ఎన్నో ఆశలతో బాలీవుడ్ లో అడుగు పెట్టి బాలీవుడ్ సూపర్ స్టార్ అమితాబ్ చిత్రం ‘జంజీర్ ’ చిత్రాన్ని రీమేక్ చేసిన విషయం తెలిసిందే. ఎంతో ఘన విజయం సాధిస్తుందనుకున్న ఈ చిత్రం బాక్సాఫీసు వద్ద బొల్తా కొట్టడమే కాకుండా, అతనికి బాలీవుడ్ డెబ్యూట్ మూవీ ఓ పీడకలలా మిగిలిపోయింది.

అంతే కాకుండా బాలీవుడ్ లో 2013 సంవత్సరానికి గాను బిగ్గెస్ట్ ‘అట్టర్ ప్లాప్ ’ చిత్రంగా మొదటి స్థానంలో ఉంది. సినిమా డిజాస్టర్ అయినా పెద్దగా ఫీలవ్వని రామ్ చరణ్ ఇప్పుడు మాత్రం తెగ ఫీలవుతున్నాడట. కారణం ఏంటంటే ఈ చిత్రంలో చరణ్ సరసన నటించిన ప్రియాంక చోప్రా ఇతని పై ఫైర్ అవ్వడమే. ప్రియాంక చోప్రా జంజీర్ సినిమాతో 2013 ‘అట్టర్ ఫ్లాప్ హీరోయిన్ ఆఫ్ ది ఇయర్ ’ గా మారింది.

ఇప్పుడు ప్రియాంక పేరు ముందు ఈ టైటిల్ కూడా చేర్చి కొన్ని రాతలు రాస్తోందట బాలీవుడ్ మీడియా.. దీంతో ఇదంతా చరణ్ వల్లే అంటూ ఫీలైపోతోందట. బాలీవుడ్ లో టాప్ హీరోయిన్ గా పేరున్న ప్రియాంక చెత్త హీరోయిన్ గా పేరు రావడంతో 2013 సంవత్సరం ఓ బ్యాడ్ ఇయర్ గా ఫీలవుతుందని అంటున్నారు.

అయినా చరణ్ ఏం చేశాడని... కాసులకు కక్కుర్తి పడకుండా అప్పుడే చేయనని చెబితే వేరే వాళ్ళని చూసుకునే వారు కదా ? అని ఆయన అభిమానులు సెటైర్స్ వేస్తున్నారు.