డి ఫర్... దోడిపి కాదు ! దెబ్బ

Posted: 12/26/2013 10:54 AM IST

టాలీవుడ్ లో హీరోగా నాని మంచి గుర్తింపే తెచ్చుకున్నాడు. రెండు మూడు హిట్ చిత్రాల్లో నటించి మంచి రేసులో దూసుకుపోతున్న నాని ‘పైసా ’ చిత్రంలో నటించినా అది ఇంత వరకు విడుదలకు నోచుకోలేదు. ప్రస్తుతం జెండా పై కపిరాజు చిత్రంలో నటిస్తున్న నానికి పైసల పై ఆశ పుట్టి ప్రేక్షకుల నుండి దోపిడీ చేయాలని భావించి ‘డీ ఫర్ దోపిడి ’ సినిమా చూసి టెంప్ట్ అయి పోయి అందులో కొంత పెట్టుబడి పెట్టాడు.

పెట్టిన పెట్టబడి రాబట్టుకోవడానికి ఎలాగు ఖాళీగానే ఉంటున్నాడు గనుక ఈ సినిమాకు ప్రమోషన్ కూడా చేసి కాస్తంత ప్రచారం కల్పించాడు. ఈయనకు తోడు దిల్ రాజు కూడా ఓ చెయ్యివేసి జనాలను దోచుకోవాలనుకున్నారు. కానీ వీరి వ్యూహం బెడిసి కొట్టింది. సినిమాకు కల్పించిన ప్రచారానికి ఓపెనింగులు ఓ మోస్తరుగా వచ్చినా, సినిమా డివైడ్ టాక్ తెచ్చుకోవడంతో ఇప్పుడు నానికి పెట్టిన పెట్టుబడి వచ్చే పరిస్థితి కనిపించడం లేదు.

వీరు జనాల నుండి దోచుకోవాలనుకున్న పైసల్ని ఉయ్యాలా... జంపాలా... సినిమా దోచుకుంటుంది. దీంతో నాని అత్యాశకు పోతే ఇలానే ఉంటుందని లోలోన మథన పడుతున్నాడట. ఇవే పైసల్ని ‘పైసా ’ సినిమాకు పెట్టి దాన్ని విడుదల చేసుకున్నా బాగుండేది కదా అని ఆయన సన్నిహితులు హితబోధ చేస్తున్నాడట.

రెండింటికి చెడ్డ రేవడి లాగా నాని నిర్మాతగా మారిన మొదటి సినిమానే దెబ్బకొట్టడంతో మరో సినిమాకు పెట్టుబడి పెట్టడానికి సాహసం చేస్తాడంటారా ?