పవన్ మీద సెటైర్లు వేస్తున్న దర్శకుడు మారుతి

Posted: 12/12/2013 06:03 PM IST

పవర్ స్టార్ పవన్ కళ్యాణ్ అంటే టాలీవుడ్ కే ఒక పవర్. పవన్ కళ్యాణ్ ఇమేజ్ ను అనేక మంది చిన్న, పెద్ద అనే తేడా లేకుండా వాడుకుంటున్నారు. పవన్ పేరు చెప్పుకొని టాలీవుడ్ లో బతుకుతున్న వారు చాలా మంది ఉన్నారు. అయితే పవన్ కళ్యాణ్ మీద విమర్శ చేయటానికి చిన్న సాహసం కూడా ఎవరు చెయ్యరు. అలాంటి చిన్న దర్శకుడు బూతూ మాటల మారుతి పవన్ కళ్యాణ్ పై సెటైర్లు వేయటానికి సిద్దమైనట్లు టాలీవుడ్ లో టాక్ నడుస్తుంది. అయితే ఈ పుకార్లో ఎంత నిజముందో ఎవరికి తెలియదు గానీ , మొత్తం మీద టాలీవుడ్ లో మాత్రం పవన్ కళ్యాణ్ మీద మారుతి సెటైర్లు అంటూ టాలీవుడ్ వాసులు గుసగుసలాడుకుంటున్నారు.

 

అసలు విషయం ఏమిటంటే ప్రస్తుతం మారుతి అల్లు శిరీష్, రేజీనా జంటతో కొత్త జంట సినిమాను నిర్మిస్తున్న సంగతి తెలిసిందే. ఈ సినిమాలో ఓ మారుతి ఓ పేరడీ సాంగ్ గా తీయబోతున్నాడని టాలీవుడ్ లో పుకార్లు వినిపిస్తున్నాయి. అంతేకాకుండా బర్నింగ్ స్టార్ సంపూర్నేష్ బాబు తో ఒక స్పెషల్ సాంగ్ ల స్టెప్పులు వేయించటానికి సిద్దమైనట్లు టాలీవుడ్ వర్గాలు అంటున్నాయి. అదీ కూడా అత్తారింటికి దారేది సినిమా లో ‘ఆరడుగుల బులెట్ ’ అనే పాటకు పేరడీ గా సంపూర్ణేష్ తో డ్యాన్స్ ఉంటుందని అంటున్నారు.

 

ఈ విషయం తెలుసుకున్న పవన్ కళ్యాణ్ అభిమానులు దర్శకుడు మారుతి పై మండిపడుతున్నారు. అయితే ఈ వార్తలో ఎంత నిజం ఉందో తెలియదు కాబట్టి, పవన్ అభిమానులు మౌనం గా తమ ఆవేశాన్ని అణుచుకున్నారనే వార్తలు కూడా టాలీవుడ్ లో వినిపిస్తున్నాయి. అంతేకాకుండా ఈ సినిమాకు వెనుక అల్లు అరవింద్ ఉన్నాడు. అలాంటిది మారుతి ఎలా సాహసం చేస్తాడు అనే అనుమానం అందరికి కలుగుతుంది. పవన్ మీద సెటైర్లు వేసే స్థాయి మారుతికి ఉందా? అని పవన్ అభిమానులు అంటున్నారు. ఏమైన ఇది కేవలం మారుతి తన సినిమా ఇమేజ్ ను పెంచుకోవటానికే పవన్ కళ్యాణ్ పేరు ను వాడుకుంటున్నాడనే విమర్శలు వినిపిస్తున్నాయి. అయిన టాలీవుడ్ లో పవనిజంతో ఊగిపోతున్నారు. ఇలాంటి సమయంలో పవన్ పై సెటైర్లు వేస్తే పరిస్థితి ఎలా ఉంటుందో ఊహించుకోండి?