కేసిఆర్ కు డెడ్ లైన్ పెట్టిన డీగ్గీరాజా?

Posted: 12/14/2013 12:25 PM IST

తెలంగాణ రాష్ట్ర సమితి కల్వకంట్ల చంద్రశేఖరరావు కు రాష్ట్ర వ్యవహారాల ఇన్ ఛార్జీ దిగ్విజయ్ సింగ్ డెడ్ లైన్ , వార్నింగ్ ఒకేసారి ఇవ్వటం జరిగిందని రాజకీయ వర్గాలు అంటున్నాయి. గత రెండు రోజుల నుండి దిగ్విజయ్ సింగ్ నగరంలో హల్ చల్ చేయటం జరిగింది. తెలంగాణ బిల్లు పై రాష్ట్ర రాజకీయ నాయకులతో చర్చలు, సమావేశాలు జరిపి, కాంగ్రెస్ నాయకులకు కొన్ని సలహాలు ఇచ్చినట్లు సమాచారం. అంతేకాకుండా తెలంగాణ జేఏసీ నేతలతో కూడా దిగ్విజయ్ సింగ్ భేటి కావటంతో టీఆర్ఎస్ నేతల్లో కలవరం మొదలైంది. తెలంగాణ జేఏసీ నేతలకు దిగ్విజయ్ సింగ్ బంఫర్ ఆఫర్ ఇచ్చినట్లు రాజకీయ వర్గాలు అంటున్నాయి.

 

ఇలా తెలంగాణ జేఏసీ నేతలతో దిగ్విజయ్ సింగ్ మంతనాలు జరపటం వెనుక కేసిఆర్ కు వార్నింగ్ ఇచ్చినట్లు తెలుస్తోంది. ఇక తెలంగాణ ఎలాగు వస్తుంది కాబట్టి, ఇక మిగిలింది టిఆర్ఎస్ పార్టీని కాంగ్రెస్ లో విలీనం చేయటమే. కేసిఆర్ ఆ పనిని ఎంత త్వరగా చేస్తే.. అంత మంచిదని కొంతమంది టీఆర్ఎస్ నేతలతో దిగ్విజయ్ సింగ్ చెప్పినట్లు తెలుస్తోంది. ఒక వేళ కేసిఆర్ తోక జాడిస్తే మాత్రం పరిస్థితి మరోలా ఉంటుందని దిగ్విజయ్ సింగ్ టీఆర్ఎస్ నేతలను హెచ్చరించినట్లు రాజకీయ వర్గాలు అంటున్నాయి. కేసిఆర్ పై నమ్మకం లేకపోవటంతో.. తెలంగాణ జేఏసి నేతలను రంగంలోకి దించుతున్నమని, రాబోయే ఎన్నికల్లో తెలంగాణ జేఏసీ నేతలకు టిక్కెట్లు ఇచ్చి పోటీ చేయిస్తామని దిగ్విజయ్ సింగ్ టీఆర్ఎస్ నేతలతో చెప్పినట్లు సమాచారం.

 

దీంతో టీఆర్ఎస్ నేతల్లో కొత్త భయం పట్టుకుంది. తెలంగాణ జేఏసీ లేనిదే.. టీఆర్ఎస్ పార్టీకి ఓట్లు రావనే విషయం ఆ నేతలకు తెలిసిందే. అంతేకాకుండా తెలంగాణ జేఏసీ నేతలకు కూడా ఒక రాజకీయ పార్టీని పెట్టేందుకు సిద్దమవుతున్నట్లు సమాచారం. అయితే కేసిఆర్ కు ఈ విషయం తెలుసుకోని, నిన్న ఒక పెళ్లి ఫంక్షన్ వద్ద రాజకీయ ప్రకటనలు చేయటం జరిగింది. తెలంగాణ రాష్ట్రం ఏర్పడిన వెంటనే.. తెలంగాణ ఉద్యోగులకు భారీ జీతాలు ఇస్తానని ప్రకటన చేయటమే ఇందుకు నిదర్శనమని రాజకీయ విశ్లేషకులు అంటున్నారు. తెలంగాణ ఉద్యోగుల ఓట్ల పై కేసిఆర్ ముందుగానే కర్చీఫ్ వేయటం జరిగిందని తెలంగాణ కాంగ్రెస్ నాయకులు గుసగుసలాడుకుంటున్నారు. మొత్తం మీద దిగ్విజయ్ సింగ్ , ఎప్పుడు డెడ్ లైన్లు పెట్టే కేసిఆర్ కే డెడ్ లైన్ పెట్టి వెళ్లాడని తెలంగాణ కాంగ్రెస్ నాయకులు బహిరంగంగానే చర్చించుకుంటున్నారు.

 

ఇక కేసిఆర్ తన పార్టీని కాంగ్రెస్ లో ఎప్పుడు విలీనం చేస్తాడోనని కాంగ్రెస్ నాయకులు ఆశగా ఎదురుచూస్తున్నారు. రీసెంట్ కేసిఆర్ మాట్లాడుతూ.. పార్టీని విలీనం చేయటం అంటే .. జేబులో పెన్ను కాదు.. అడిగిన వెంటనే తీసి ఇవ్వటానికి వేటకారంగా మాట్లాడిన విషయం తెలిసిందే. టిఆర్ఎస్ పార్టీని కాంగ్రెస్ పార్టీలో విలీనం చెయ్యకపోతే.. రాబోయే ఎన్నికల్లో మాత్రం చావు దెబ్బ కొట్టానికి కాంగ్రెస్ పార్టీ రెడీ అవుతుందనే విషయం టీఆర్ఎస్ నాయకులకు బాగా అర్థమైంది. దీంతో కేసిఆర్ పై ఒత్తిడి పెంచేందుకు టీఆర్ఎస్ నాయకులు సిద్దమవుతున్నారు. కాంగ్రెస్ కబంధ కౌగిలి నుండి కేసిఆర్ ఎలా తప్పించుకుంటాడో చూద్దాం