కుక్కపిల్లతో మంచు లక్ష్మీ

Posted: 12/10/2013 07:40 PM IST

టాలీవుడ్ కు పరిచయం అయిన అతి తక్కువ సమయంలో మంచి గుర్తింపు తెచ్చుకున్న నటి, నిర్మాత మంచు వారి అమ్మాయి లక్ష్మీ ప్రసన్న. టాలీవుడ్ ఎవడబ్బసొత్తు కాదని నిరుపించిన తెలుగమ్మాయి మంచు ప్రసన్న లక్ష్మీ. తనకంటే ఒక గుర్తింపును వెండితెరపై, ఇటు బుల్లితెరపై ఒకేసారి తెచ్చుకున్న నటి కూడా మంచు లక్ష్మీ. నిత్యం అభిమానులకు అందుబాటులో ఉంటేది కూడా మంచు లక్ష్మీ.

 

ఈమెలో ఇంకా కొత్తగా నటించాలనే తపన కనిపిస్తుంది. అందుకే ఎవరు చెయ్యలేని సాహసాలు చేసి మనకు తెరపైన చూపించింది. ఇప్పుడు ఒక చిన్న కుక్కపిల్లతో తెరపై నటిస్తుంది. కుక్కపిల్ల సినిమాలో నటించడం అన్నది పెద్ద విశేషం కాదు. చాలాసార్లు జరుగుతూనే వుంటుంది. అయితే, ఆ కుక్కపిల్ల మోహన్ బాబు కుటుంబానికి చెందినది కావడంతో దీనికి ప్రత్యేకత ఏర్పడింది.

 

ప్రవీణ్ సత్తారు దర్శకత్వంలో రూపొందుతున్న 'చందమామ కథలు' సినిమాలో మంచు లక్ష్మి ఓ ముఖ్య పాత్ర పోషిస్తోంది. ఇందులో ఆమె మోడల్ గా చాలా స్టయిలిష్ గా కనిపిస్తుంది. ఆమెతో బాటుగా సినిమాలో ఓ కుక్కపిల్ల కూడా వుంటుంది. అందుకోసం తన సొంత కుక్కపిల్లనే ఆమె షూటింగులో వినియోగించింది. ఈ కుక్కపిల్లకు 'జ్యూస్ ఆనంద్ మంచు' అనే ముద్దుపేరు కూడా లక్ష్మి ఆమధ్య పెట్టుకుంది. సో ... ఈ మంచు వారమ్మాయి ఇంట్లో తన కుక్కపిల్లతో ఎలా అయితే ఆడుకుంటుందో, సినిమాలో కూడా అలాగే కనిపిస్తుందన్నమాట. అదీ విషయం!