ఏపీలో మహేష్ ఇంటర్నేషనల్ స్కూల్?

Posted: 07/29/2017 04:15 PM IST

ఓవైపు సినిమాలే కాదు.. వ్యాపార రంగంలోనూ మన హీరోలు తమ సత్తా చాటుతూ వస్తున్నారు. ఇప్పటికే పలువురు హోటళ్లు, ఫ్లైట్ సర్వీస్ ల్లో బిజీ అయిపోగా, రీసెంట్ గా మహేష్ కూడా ఆ ఫీల్డ్ లోకి ఎంటర్ అవుతాడనే ఆ మధ్య చెప్పుకున్నాం అయితే రూట్ మార్చిన మహేష్ ఓ ఇంటర్పేషనల్ స్కూల్ పెట్టేందుకు ఆసక్తి చూపిస్తున్నాడనే టాక్ నడుస్తోంది.

కానీ, ఇక్కడ అసలు డౌట్ ఏంటంటే.. అది అమరావతిలోనే ఎందుకనేది. హైదరాబాద్ లో ఇప్పటికే చాలా వరకు ఇంటర్పేషనల్ స్కూల్స్ ఉన్నాయి.అలాంటప్పుడు అక్కడ గనుక ఓ ఇంటర్నేషనల్ స్కూల్ పెడితే అదే తొలిది అయ్యి ప్రత్యేక ఆకర్షణగా మారుతుంది. అంతేకాదు రానున్న రోజుల్లో మరింత అభివృద్ధి వచ్చే ఛాన్స్ ఉండటం కూడా ఓ కారణమని చెబుతున్నారు.

అందుకే తనతో ఓ రెండు చిత్రాలు నిర్మించిన దగ్గరి స్నేహితుడితో ఎడ్యుకేషన్ సెక్టార్ లోకి ప్రవేశించబోతున్నాడని చెప్పుకుంటున్నారు. అన్ని సక్రమంగా జరిగితే భార్య నమ్రత ఆధ్వర్యంలోనే మహేష్ ఈ బిజినెస్ లోకి వచ్చే ఛాన్స్ ఉంది.