వచ్చే నెల 9న ఫ్రపంచ విఫణిలోకి ఐఫోన్ 6ఎస్ ప్రవేశపెట్టనున్న యాపిల్

Posted: 08/28/2015 08:16 PM IST

స్మార్ట్ ఫోన్ ప్రియులు ఎప్పుడెప్పుడా అని ఎదురుచూస్తున్న యాపిల్ ఐఫోన్ 6 ఎస్ (ఐఫోన్ 7) ప్రపంచ విఫణిలోకి ప్రవేశించనుంది. ఇందుకోసం ప్రముఖ దిగ్గజ సంస్థ యాపిల్ అన్ని ఏర్పాట్లను సిద్దం చేసింది. గత ఆనవాయితీలనే మునుముందు కూడా కొనసాగిస్తామన్న సంకేతంలో.. ఎప్పటిలానే సెప్టెంబర్ 9నే యాపిల్ కంపెనీ తన కొత్త ఉత్పత్తిని మార్కెట్ లోకి విడుదల చేయనుంది. ఈ మేరకు మీడియా ప్రతినిధులకు ‘యాపిల్’ పంపిన ఆహ్వాన లేఖలు చేరిపోయాయి.

‘‘హే సిరి, గివ్ అజ్ ఏ హింట్’’ పేరిట పంపిన ఇన్విటేషన్ లో శాన్ ఫ్రాన్సిస్కోలోని బిల్ గ్రాహం సివిక్ ఆడిటోరియంలో సెప్టెంబర్ 9న ఉదయం 10 గంటలకు జరిగే కార్యక్రమానికి హాజరుకావాలని యాపిల్ పేర్కొంది. యాపిల్ కంపెనీ ఇప్పటిదాకా విడుదల చేసిన ఉత్పత్తులన్నీ సెప్టెంబర్ 9నే మార్కెట్ లోకి రంగప్రవేశం చేశాయి. అయితే మార్కెట్ విశ్లేషకులు మాత్రం యాఫిల్ తన కొత్త ఐఫోన్ తో పాటుగా ఐప్యాడ్ లను యాపిల్ టీవీలను కూడా సంస్థ అవిష్కరిస్తుందని భావిస్తున్నారు

జి మనోహర్