లాభాల్లో స్టాక్ మార్కెట్లు.. ర్యాలీని కొనసాగించిన అన్ని సెక్టార్లు..

Posted: 03/12/2015 06:06 PM IST

భారత్ అంచానాలకు మించి అభివృద్దిలో శరవేగంగా రాణిస్తుందంటూ అంతర్జాతీయ ద్రవ్య నిధి సంస్థ వెలువరించిన సంకేతాలతో దేశీయ స్టాక్‌మార్కెట్లు ఇవాళ లాభాలతో ముగిశాయి. ఇదే అభివృద్ది కోనసాగితే ఈ ఆర్థిక సంవత్సరంలోనే భారత్ జీడిపి 8.5కు చేరుతుందని ఐఎంఎఫ్ అంచనా వేసిన క్రమంలో దేశీయ సూచీలు లాభాల ర్యాలీని కొనసాగించాయి. మదుపరులు కొనుగోళ్లకు ఆసక్తి చూపడంతో అన్ని సెక్టార్లు లాభాలను నమోదు చేసుకోగా, అధికంగా లోహం, ఇంధన, బ్యాంకింగ్, ఐటీ, ఎప్ ఎం జీ సీలకు చెందిన సూచీలు అధికంగా లాభాలను నమోదు చేసకున్నాయి.

ఈ నేపథ్యంలో సెన్సెక్స్ 271 పాయింట్లు లాభపడిన 28,930 వద్ద ముగియగా, 76 పాయింట్లు లాభపడిన నిఫ్టీ 8,776 వద్ద ముగిశాయి. కెయిర్న్ ఇండియా, సెసా స్టెర్త్లెట్, ఎన్టీపీసీ, హిందాల్కో, డీఎల్ఎఫ్ తదితర షేర్లు అధిక లాభాలు ఆర్జించాయి. టెక్ మహీంద్రా, మహింద్రా అండ్ మహింద్రా, కోల్ ఇండియా, బజాజ్ ఆటో, డాక్టర్ రెడ్డీస్ ల్యాబ్స్ తదితర షేర్లు నష్టాలు ఎదుర్కొన్నాయి. డాలర్‌తో రూపాయి మారకం విలువ రూ. 62.55 ఉంది.

జి మనోహర్