ఎయిర్ కోస్తా హ్యాపీ సంక్రాంతితో విమానయానం చాలా చౌక..

Posted: 01/13/2015 05:06 PM IST

టిక్కెట్లపై రాయితీలతో టాటా విస్తారా, ఎయిర్ ఇండియా తరువాత పండగ ప్రయాణికులను ఆకర్షించే పనిలో పడింది ఎయిర్ కోస్తా విమానయాన సంస్థ. ఆంధ్రప్రదేశ్ కేంద్రంగా కార్యకాలపాలను సాగిస్తున్న ఈ సంస్థ సంక్రాంతి పర్వదినం రోజుల్లో వుండే ప్రయాణికుల రద్దీ దృశ్యా వారిని తక్కువ ధరలకు గమ్యాలకు చేర్చేందుకు సిద్దమయ్యింది. సంక్రాంతి సందర్భంగా ఎయిర్ కోస్టా విమానయాన సంస్థ కొత్త ఆఫర్ ప్రకటించింది. 'హ్యాపీ సంక్రాంతి' పేరుతో తక్కువ ధరకే విమాన యానం అందించే ఈ ఆఫర్ను అందుబాటులోకి తెచ్చింది.

పండుగలు, సెలవులను దృష్టిలో పెట్టుకుని దేశీయ విమానయానాన్ని ఒక్క వైపుకు మాత్రమే కేవలం 1,800 రూపాయల నుంచే టికెట్లను అందిస్తున్నట్లు ఎయిర్ కోస్టా సంస్థ ఓ ప్రకటనలో తెలిపింది. జనవరి 12 మధ్యాహ్నం 3 గంటల నుంచి జనవరి 15 మధ్యాహ్నం 3 గంటలలోపు బుక్ చేసుకున్నవారికి మాత్రమే ఈ తగ్గింపు వర్తిస్తుంది. ఈ ఆఫర్ సమయంలో బుక్ చేసుకున్న టికెట్లతో ఫిబ్రవరి 1 నుంచి ఏప్రిల్ 15లోగా ఎప్పుడైనా ప్రయాణం చేయొచ్చని ప్రకటనలో పేర్కోంది.

జి.మనోహర్