నారాయణ మూర్తి మళ్లీ వచ్చాడు

Posted: 06/01/2013 02:43 PM IST

ప్రముఖ ఐటీ దిగ్గజం అయిన ఇన్ఫోసిస్ నారాయణమూర్తి మళ్లీ వచ్చారు. 2011 తరువాత ఇన్ఫోసిన్ ఎగ్జిక్యూటీవ్ బోర్డు బాధ్యతల నుండి తప్పుకున్న ఈయన మరో సారి బోర్డు బాధ్యతలు స్వీకరించారు. ఇప్పటి వరకు ఆ పదవిలో కొనసాగిన కె.వి.కామత్ తన పదవి నుంచి తప్పుకోవడంతో ఆ స్థానంలో నారాయణ మూర్తిని ఎంపిక చేశారు. గ్జిక్యూటీవ్ బోర్డులోని సభ్యులు ఆయన పేరును ఏకగ్రీవంగా ఆమోదిస్తూ శనివారం ఒక తీర్మానం చేసి ఆమోదించారు. ఈయన ఐదేళ్ళ పాటు ఈ పదవిలో కొనసాగుతారు. 1981 నుంచి 2002 వరకు సీఈఓగా పనిచేశారు. తాజాగా ఈనెల ఒకటో తేదీ నుంచి ఛైర్మన్‌గా విధులు నిర్వహించనున్నారు. ఈ ఐదేళ్ళ కాలం ఆయన యేడాదికి ఒక్క రూపాయి చొప్పున గౌరవ వేతనం పొందనున్నారు.