Posted: 09/13/2012 08:02 PM IST

మొబైల్ సర్వీసుల రంగంలోని యునినార్ కంపెనీ సబ్‌సే సస్తా ఉద్యమం ద్వారా అతి తక్కువ ధరకే మొబైల్ సర్వీసులు అందించేందుకు పావులు కదిపింది. ఈ ప్రచారోద్యమంలో భాగంగా చాయ్‌కన్నా తక్కు వ ధరకే రీచార్జ్ వోచర్‌ను ప్రవేశపెడుతున్నట్టు కంపెనీ ఎండి సిగ్వె బ్రెకీ తెలిపారు. కొత్తగా ప్రవేశపెట్టిన నాలుగు రూపాయల రీచార్జ్ వోచర్‌తో 30 రోజుల పాటు యునినార్ నుంచి ఏ యునినార్ నంబర్‌కైనా రాత్రి వేళల్లో ఎడతెగకుండా మాట్లాడుకోవచ్చని, పగటి పూట మాత్రం రెండు సెకండ్లకు ఒక పైస కాల్ చార్జి ఉంటుందని ఆయన చెప్పారు.

అలాగే 111 రూపాయల రీచార్జ్ వోచర్‌తో 30 రోజుల పాటు యునినార్ నుంచి ఏ యునినార్ నంబర్‌కైనా ఎలాంటి పరిమితి లేకుం డా కాల్స్ చేసుకోవచ్చన్నారు. ఇవి కాకుండా 29, 52, 25, 65 రీచార్జ్ వోచర్లు కూడా అందుబాటులో ఉంటాయని చెప్పారు. ఈ సబ్‌సే సస్తా ఉద్యమంతో తాము ఏ ఇతర ఆపరేటర్‌తో పోల్చినా 28 శాతం తక్కువ ధరకే లోకల్ కాల్స్ అందుబాటులో ఉంచిన ఏకైక ఆపరేటర్‌గా అవతరిస్తున్నామని ఆయన అన్నారు.