Posted: 05/18/2012 09:11 PM IST

రూపాయి మరింతగా బక్కచిక్కింది. ఈరోజు మరో కొత్త కనిష్ఠ స్థాయి రికార్డును సృష్టించింది. 35 పైసలు నష్టపోతూ 54 రూపాయల 83 పైసలకు వద్ద ట్రేడవుతోంది. త్వరలో 55 బ్రేక్‌ చేసి కిందకు వెళ్లొచ్చని అనలిస్టులు అంచనా వేస్తున్నారు. యూరో జోన్‌లో తలెత్తిన సమస్యల వల్ల మన రూపాయికి గడ్డు కాలం వచ్చింది.గ్రీస్‌ దేశం.. యూరో జోన్‌ నుంచి బయటకు వెళ్లొచ్చనే అంచనాల కారణంగా యూరో కరెన్సీ నాలుగు నెలల కనిష్ఠ స్థాయికి పడిపోయింది. అదే సమయంలో డాలర్ ఇండెక్స్‌ బలపడుతోంది. ప్రస్తుతం 82కు సమీపంలో ట్రేడవుతోంది. డాలర్‌ బలపడటంతో రూపాయి బలహీనపడుతోంది. దీంతో దిగుమతులు భారమవుతాయి. ముఖ్యంగా ముడి చమురు కోసం ఆయిల్‌ కంపెనీలు ఎక్కువ డాలర్లు చెల్లించాల్సి వస్తుంది. ఈ నేపథ్యంలో కేంద్ర ప్రభుత్వం పెట్రోల్‌, డీజిల్‌ ధరలు పెంచేందుకు సన్నాహాలు చేస్తున్నట్లుగా వార్తలు వస్తున్నాయి.