Posted: 01/27/2012 08:48 PM IST

రూపాయి బలపడుతోంది. రెండున్నర నెలల గరిష్ఠ స్థాయిలో ట్రేడవుతోంది. రిజర్వ్‌ బ్యాంకు తీసుకున్న చర్యలు, దేశంలోకి విదేశీ మదుపుదారులు డాలర్లు తీసుకురావడంతో రూపాయి బలపడుతోంది. నవంబరు 9 తర్వాత మళ్లీ 49 రూపాయల 60 పైసల స్థాయికి రూపాయి బలపడింది. నెల కిందటికి ఇప్పటికీ పరిస్థితిలో పూర్తిగా మార్పు వచ్చింది. నవంబరు, డిసెంబరు నెలల్లో రూపాయి 55, 58 దాకా వెళుతుందని లెక్కలు వేశారు. ఇప్పుడు మార్చి నాటికి 46కు వస్తుందని పరిశోధనా సంస్థలు చెబుతున్నాయి. దేశీయంగానే కాకుండా అంతర్జాతీయంగా చోటు చేసుకున్న పరిణామాలు కూడా రూపాయి బలానికి కారణమయ్యాయి. డాలర్‌తో పోలిస్తే యూరో బలపడటం... స్టాక్‌ మార్కెట్లు లాభాల్లో ఉండటంతో ఇండియన్‌ కరెన్సీకి లాభాలు వస్తున్నాయి.