వేరుశెనగల్లో దాగివున్న హెల్త్ బెనిఫిట్స్

Posted: 04/10/2015 02:56 PM IST

Groundnuts health benefits heart attack ovairy problems uterus pain diabetes

ప్రకృతి సహజంగా లభించే ప్రతిఒక్క ఫుడ్ లోనూ మానవ శరీరానికి అవసరమయ్యే పోషకాలు నిల్వవుంటాయి. అలా లభించే తినుబండారాల్లో వేరుశెనగలు ఒకటి! వీటిలో ఎన్నోరకాల అద్భుతమైన పోషకాలు దాగి వున్నాయి. మధుమేహం, గుండెపోటు, గర్భాశయ సమస్యలు, కేన్సర్, ఒబిసిటీ తదితర సమస్యలను చెక్ పెట్టే ఔషధాలు వీటిల్లో వుంటాయి.

వేరుశెనగల్లోని పోషకాలు వాటి పనితీరు :

1. మాంగనీస్ : శెనగల్లోని మాంగనీస్ అధిక మోతాదులో వుంటుంది. ఇది రక్తంలోని పిండి పదార్థాల కొవ్వును క్రమబద్ధీకరిస్తుంది. రక్తంలోని చక్కెర స్థాయిని తగ్గిస్తుంది. తద్వారా డయాబెటిస్‌ వ్యాధిని దూరం చేసుకోవచ్చు. పిల్లలు, వృద్ధులు రోజూ వేరుశెనగల్ని తీసుకుంటే.. ఎముకల వ్యాధుల నుంచి కూడా తప్పించుకోవచ్చునని, మధుమేహ వ్యాధిగ్రస్థులు రోజుకు గుప్పెడు వేరుశెనగల్ని తినాలని ఆరోగ్య నిపుణులు అంటున్నారు.

2. యాంటీ ఆక్సిడెంట్స్ : ఇవి గుండెపోటును నివారించడంలో కీలకపాత్ర వహిస్తాయి. రోజూ 30 గ్రాముల వేరుశెనగలు తింటే హార్ట్ వాల్స్‌ను భద్రపరిచినట్లు అవుతారని నిపుణులు చెబుతున్నారు. అంతేకాదు.. ఈ యాంటీ ఆక్సిడెంట్స్ శరీర బరువును తగ్గిస్తాయి.. శరీరంలో వ్యాధినిరోధక శక్తిని పెంచుతాయి.. వృద్ధాప్య ఛాయలకు చెక్ పెట్టడంలో ప్రముఖపాత్ర పోషిస్తాయి. జ్ఞాపకశక్తిని వృద్ధి చేయడంలో తమవంతు కృషి చేస్తాయి. రక్తప్రసరణను క్రమబద్ధీకరిస్తాయి.. మానసిక ఒత్తిడిని దూరం చేస్తాయని నిపుణులు పేర్కొంటున్నారు.

3. ఫోలిక్ యాసిడ్ : ఇది వేరుశెనగల్లో పుష్కలంగా ఉంటుంది. వీటిని క్రమంగా తీసుకుంటే గర్భాశయ సమస్యలుండవు. రోజూ శెనగలు తింటే.. గర్భాశయ క్యాన్సర్, గర్భాశయంలో గడ్డలు, సంతానలేమి వంటి సమస్యల నుంచి దూరంగా వుండవచ్చునని వైద్యనిపుణులు చెబుతున్నారు.

మొత్తానికి ఈ వేరుశెనగల్లో మహిళలకు కావలసిన ఫోలిక్ యాసిడ్, ఫాస్పరస్, క్యాల్షియం, పొటాషియం, ఐరన్ వంటి ఖనిజాలతోపాటు విటమిన్ ఇ1, ఇ12, నియాసిన్, పీచు వంటి పోషకాలు పుష్కలంగా ఉన్నాయి. కాబట్టి.. ఈ వీటిని ప్రతిరోజూ తీసుకుంటే ఆరోగ్యంగా వుండవచ్చు.