పనసపండు తినండి.. ‘పైల్స్’ను నివారించండి!

Posted: 05/27/2015 07:27 PM IST

ఆరోగ్యాన్ని మెరుగుపరిచే పోషకాహారాల్లో పనసపండు ఒకటి! ఇందులో మానవ శరీరానికి కావలసిన పోషకాలు పుష్కలంగా వుంటాయి. అవి.. శరీరంలో శక్తిని పెంచి, వివిధరకాల వ్యాధుల నుంచి ఉపశమనం కలిగించడంలో సమర్థవంతంగా పనిచేస్తాయి. ఇంతకీ.. ఈ పనసలో ఏయే పోషకాలున్నాయో, వాటివల్ల కలిగే ప్రయోజనాలేంటో తెలుసుకుందామా..

పనసలోని పోషకాలు వాటివల్ల కలిగే ప్రయోజనాలు :

* పనసలో విటమిన్ ఏ పుష్కలంగా వుంటుంది. ఇది మెదడు, ఆరోగ్యానికి బలం అందివ్వడంలో సమర్థవంతంగా తోల్పడుతుంది. పనస పండును తేనెలో తడిపి తీసుకుంటే మెదడు నరాలు బలపడతాయి. అలాగే.. ఈ పండ్లు రక్తాన్ని వృద్ధి చేస్తాయి. అంటువ్యాధులను దూరం చేస్తాయి.

* పనసలో ఆంటీ-యాక్సిండెంట్లు, విటమిన్ సి పుష్కలంగా వుంటాయి. ఈ పండ్లను మితంగా తీసుకుంటే క్యాన్సర్ కారకాలను దూరం చేసుకోవచ్చు. అలాగే.. అవి శరీరంలో ఎముకలను బలపచ్చడంతోపాటు శక్తిని పెంచడంలో ఎంతగానో దోహదపడుతాయని నిపుణులు తమ పరిశోధనల ద్వారా వెల్లడిస్తున్నారు.

* పనసలో పొటాషియం అనే మినరల్ వుంటుంది. అది మధుమేహం, గుండెపోటు వంటి భయంకరమైన వ్యాధులను నియంత్రించడంలో సమర్థవంతంగా పనిచేస్తుంది.  అంతేకాదు.. అజీర్తిని దూరం చేసుకోవచ్చు. కంటి దృష్టిని దూరం చేసుకోవచ్చు.

* పనస లేత తొనల్ని వేయించి తీసుకోవడం ద్వారా వాత, పిత్త వ్యాధులు దూరమవుతాయి. అలాగే ఇది వీర్యవృద్ధికి సహకరిస్తుంది. జీర్ణవ్యవస్థ మెరుగుపడటంతోపాటు అజీర్తి సమస్యను అధిగమించేందుకు ఇది ఎంతగానో తోడ్పడుతుందని నిపుణుల సలహా.

* కోలన్ క్యాన్సర్‌ను నయం చేసే జాక్ ఫ్రూట్లో యాంటీ-యాక్సిడెంట్లు పుష్కలంగా వుంటాయి. అవి పైల్స్‌ను దరిచేరనివ్వదు. హై ఫైబర్ కలిగిన పనస పండు పైల్స్‌ను నివారిస్తుందని ఆరోగ్య నిపుణులు అంటున్నారు. కాబట్టి.. వీటిని రోజూ తీసుకుంటే ఎంతో శ్రేయస్కరం.

* ఆస్తమా సమస్యతో బాధపడుతున్నవారు ఈ పనసపండును తీసుకుంటే ఎంతో శ్రేయస్కరం. రెగ్యులర గా తీసుకుంటే దాన్నుంచి ఉపశమనం పొందవచ్చు. ఈ పండు ఎముకలకు బలాన్నిస్తుంది. అనీమియాను దూరం చేస్తుందని ఆరోగ్య నిపుణులు అంటున్నారు.

* పనస ఆరోగ్యానికి కాదు.. సౌందర్యానికి మంచి ఔషదం లాంటి. యాంటీ ఏజింగ్ లక్షణాలను దూరం చేస్తుంది. చర్మ సౌందర్యానికి వన్నెతెస్తుంది. పనస వేరును పొడిని చర్మ సమస్యలపై రాసుకుంటే ఉపశమనం లభిస్తుందని బ్యూటీషియన్లు చెబుతున్నారు.