సుఖనిద్రకోసం అనువైన చిట్కాలు...

Posted: 03/16/2015 04:12 PM IST

ప్రస్తుత ఫాస్ట్ జనరేషన్ లో ప్రతిఒక్కరు ఉదయం నుంచి సాయంత్రం వరకు ఇంటి, ఆఫీస్ కార్యక్రమాల్లో పూర్తిగా నిమగ్నమై వుంటారు. కొందరు రాత్రిళ్లు కూడా ఏదో పని చేస్తూనే వుంటారు. ఇటువంటివారికి సుఖనిద్ర అంటూ వుండదు. వీళ్లే కాదులెండి.. కొందరికీ ఎంతో అనువైన సమయం వున్నప్పటికీ.. సుఖనిద్ర లేక తంటాలు పడుతుంటారు. ఇలాంటివారిని దృష్టిలో పెట్టుకుని.. ఆరోగ్య నిపుణులు కొన్ని చిట్కాలు చెబుతున్నారు. నిద్రపట్టక సతమతమయ్యేవారి కోసం నిపుణులు కొన్ని చిట్కాలు స్లీపింగ్ పొజిషన్స్‌ను సూచిస్తున్నారు. ఇలా చేస్తే సుఖంగా నిద్రపోవడంతోపాటు ఆరోగ్యంగా వుండవచ్చునని వాళ్లు అంటున్నారు.

సుఖనిద్ర కోసం బెస్ట్ స్లీపింగ్ పొజిషన్స్...

1. రెండు చేతులూ శరీరానికి రెండువైపులా ఆచ్చి వెల్లకిలా పడుకుంటే వెన్నముకకు, మెడకూ మంచిదని అంటున్నారు. అయితే.. ఇలా నిద్రపోయినప్పుడు ఎక్కువ పిల్లోలు వాడకూడదని, లేనిపక్షంలో ఆరోగ్య సమస్యల్ని ఎదుర్కోవాల్సి వస్తుందని వాళ్లు హెచ్చరిస్తుననారు.

2. ఇక స్టార్‌ఫిష్ మాదిరి.. తలకింద వేసుకునే దిండుకు రెండువైపులా చేతులు పెట్టి వెల్లకిలా పడుకుంటే సుఖంగా నిద్రపోవచ్చు. ఇలా నిద్రించడం వల్ల ముఖ, చర్మ సంబంధ రుగ్మతలను నివారించవచ్చని కూడా నిపుణులు కొన్ని పరిశోధనలు జరిపిన అనంతరం వెల్లడిస్తున్నారు.

3. ‘ఫేస్ డౌన్’ స్థితిలో తలకు రెండువైపులా చేతులు పెట్టి బోర్లా పడుకుంటే.. ఎంతో హాయిగా నిద్రపోవచ్చు. ఇలా నిద్రపోవడం వల్ల జీర్ణప్రక్రియ మెరుగుపడుతుంది. అయితే మెడమీద ఎక్కువ ఒత్తిడి పడకుండా చూసుకోవాలి. తల మరీ కిందకు వంచి నిద్రిస్తే వెన్నునొప్పి తప్పదని హెచ్చరిస్తున్నారు.

4. కొందరు బంతిమాదిరి మోకాళ్లు ముడుచుకుని ముద్దలా నిద్రిస్తుంటారు. ఇలా నిద్రపోతే మెడ, వెన్ను నొప్పికి కారణమవుతుందని నిపుణులు చెబుతున్నారు. కాబట్టి.. సాధ్యమైనంత త్వరగా ఈ అలవాటును మార్చుకుని విశాలంగా పడుకోవాలని వాళ్లు సూచిస్తున్నారు.

5. కొందరు పక్కకు తిరిగి పడుకుంటారు. ఇలా నిద్రిస్తే.. చర్మం త్వరగా ముడతలు పడవచ్చునని, తద్వార అందవిహీనంగా మారుతారని హెచ్చరిస్తున్నారు. కాబట్టి ఈ పొజిషన్ లో పడుకోకుండా వుండేలా జాగ్రత్త పడితే మంచిది.

6. నిటారుగా రెండు చేతులు, కాళ్లు చాచి పడుకోవడం వల్ల బ్యాక్ పెయిన్, నెక్ పెయిన్ తగ్గుతాయి. ఫలితంగా ఎంతో సుఖంగా నిద్రపడుతుంది.