రెండో భార్య కోసం ఎదురుచూస్తున్న అమితాబ్

Posted: 05/27/2014 11:14 AM IST

Amitabh bachchan searching for the second wife in bollywood

బాలీవుడ్ బిగ్ బీ .. ఇప్పుడు రెండో భార్యకోసం ఆశగా ఎదురుచూస్తున్నారు. అమితాబ్ బచ్చన్ ప్రపంచ వ్యాప్తంగా గుర్తింపు పొందిన నటుడు. ఎంతో మందికి ఆరాద్య నటుడిగా , మరెంతో మందికి ఆదర్శంగా నిలిచిన బాలీవుడ్ డైనమిక్ నటుడు మన బిగ్ బీ. వయసుతో సంబంధం లేకుండా.. చిన్న, పెద్ద అనే బేధం లేకుండా అమితాబ్ అందరితో కలిసిపోవటమే .. ఆయన నైజం. వెండితెరపై ఎంతో మంది హీరోయిన్స్ కు భర్తగా నటించిన బిగ్ బి. ఇప్పుడు రెండో భార్య కోసం ఎదురుచూస్తున్నారు. అంటే మీరు మరోలా అనుకోకండి.

బుల్లితెరపై ఒక సీరియల్ లో నటించేందుకు కూడా సిద్దమయిన బిగ్ బీ ఇప్పుడు ఆ స్క్రిప్ట్ పై చాలా శ్రద్ధ చూపుతున్నాడని బాలీవుడ్ బాబు లు అంటున్నారు. విడిపోయిన ఒక జంట వేరు వేరు జీవితాలని ఏర్పరుచుకోగా, వారిని కలిపేందుకు తమ కూతురు చేసే ప్రయత్నాలని ముఖ్య ఆధారంగా చేసుకుని నిర్మించబోయే సీరియల్ లో.. బిగ్ బీ పక్కన తన భార్యలుగా ఇద్దరు నటీమణులు నటించనున్నారు.

అయితే ఈకథ కాస్త “కమల్ హాసన్” జీవితానికి దగ్గరగా అనిపించిన కారణంగా, ఈ సీరియల్ లో బిగ్ బీ మొదటిభార్యగా కమల్ మాజీభార్య “శ్రుతిహాసన్” తల్లి అయిన “సారిక” ని ఎంపిక చేసారు. మరో భార్య పాత్రకోసం ఇంకా వెతుకుతున్నారు.

ఇప్పటికే, సీరియల్స్ లో నటించిన చాలా మంది సీనియర్ ఆర్టిస్టుల పేర్లును పరీశీలిస్తున్నారు. బిగ్ బీ తన పక్కన ఆ పాత్రకోసం ఎవరిని ఎంపిక చేసుకోబోతున్నారనేది ఇప్పుడు బాలీవుడ్ లో హాట్ టాపిక్ గా మారింది. అయితే కమల్ హాసన్ జీవితానికి దగ్గరగా ఉంటుంది కాబట్టి.. భవిష్యత్తుల్లో కమల్ అభిమానులు బిగ్ బీ పై ఆగ్రహం వ్యక్తం చేస్తారేమో చూద్దాం.