శరీర బరువు తగ్గాలంటే.. ఈ చిట్కాలు పాటించండి!

Posted: 10/17/2015 11:15 AM IST

లావుగా వున్నవాళ్లు తమ శరీర బరువును తగ్గించుకోవడం కోసం రకరకాల ప్రయత్నాలు చేస్తుంటారు. మరికొందరు ఓ అడుగు ముందుకేసి మందల ద్వారా తమ బరువను కంట్రోల్ చేసుకోవడానికి సిద్ధపడతారు. అయితే.. వాటివల్ల ప్రమాదం వుండవచ్చు. సాధారణంగానే శరీర బరువు తగ్గించుకోవచ్చునని ఆరోగ్య నిపుణులు అంటున్నారు. అందుకు ఈ క్రింది చిట్కాలు పాటిస్తే చాలని, రెగ్యులర్ గా చేస్తే బరువు తగ్గవచ్చునని చెబుతున్నారు.

* ప్రతి రోజు ఉదయాన్నే కడుపారా అల్పాహారాన్ని సేవించాలి. ఇలా తినడం వల్ల.. రోజంతా ఉత్సాహంగా వుండటంతోపాటు అన్ని కార్యకలాపాల్లో ఉత్తేజంగా పాల్గొనేందుకు అవసరమైన శక్తి లభిస్తుంది.
* ప్రతి రోజు దాదాపు ఎనిమిది నుంచి పది లీటర్ల మేరకు నీటిని సేవించాలి. నీటిలో ఎలాంటి క్యాలరీలుండవు కాబట్టి.. శరీర బరువు కంట్రోల్ లోనే వుంటుంది.
* తీసుకునే ఆహారంలో పండ్లు, కూరగాయలుండేలా జాగ్రత్తలు వహించాలి. వీటీలో విటమిన్లు, ఖనిజపదార్థాలు పుష్కలంగా ఉంటాయి.  
* పగటిపూట మధ్య-మధ్యలో ఆహారాన్ని తీసుకోవాలి. కాని ఇందులో వేపుడు పదార్థాలను మాత్రం తీసుకోకండి.
* నాజూకుగా లేదా బరువు తగ్గేందుకు మరీ విపరీతంగా వ్యాయామం చేయాల్సిన అవసరం లేదు. బరువు తగ్గడం మాటటుంచితే శరీరానికి అలసట తప్ప మరోటి ఉండదు.
* శారీరక వ్యాయామంలో భాగంగా సైకిలింగ్, జాగింగ్, స్విమ్మింగ్ చేయండి. దీంతో శరీరంలో పేరుకుపోయిన పనికిరాని కొవ్వు కరిగిపోతుంది.
* కార్యాలయంలో లేదా అపార్ట్‌మెంట్‌లో లిఫ్ట్ ఉపయోగించేకన్నా మెట్లు ఎక్కడమే ఉత్తమం. అలాగే ప్రతి రోజు వీలైనంత మేరకు నడక సాగించండి.  
* ముఖ్యంగా ఒత్తిడి నుంచి దూరంగా ఉండేందుకు ప్రయత్నించండి. ఒత్తిడి కారణంగా కొందరు విపరీతంగా తినేస్తుంటారు. దీంతో బరువు పెరిగిపోవడం ఖాయం.
* ఒత్తిడి దరిచేరనీయకుండా మితంగా ఆహారం సేవిస్తుంటే శరీర బరువును అదుపులో పెట్టుకోవచ్చు.