ఆరోగ్యానికి కావలసిన సహజ చిట్కాలు

Posted: 10/20/2015 06:33 PM IST

నిత్యం ఆఫీసు కార్యకలాపాలతోపాటు ఇంటి పనుల్లో నిమగ్నమైపోవడం, వాతావరణ కాలుష్య ప్రభావాల కారణంగా ఆరోగ్యానికి సంబంధించిన సమస్యలు తలెత్తుతాయి. తలనొప్పి, తీవ్ర మానసిక ఒత్తిడి, కడుపునొప్పి, ఇంకా ఎన్నో ఆరోగ్యకరమైన ఇబ్బందులతోపాటు సౌందర్యపరంగా సమస్యల్ని ఎదుర్కోవాల్సి వస్తుంది. వీటన్నింటిని అధిగమించాలంటే.. ఇతరత్ర మందులు వాడాల్సిన అవసరం లేదు. సహజంగానే కొన్ని చిట్కాలు పాటిస్తే.. ఆసమస్యల నుంచి శాశ్వతంగా విముక్తి పొందవచ్చునని ఆరోగ్య నిపుణులు అంటున్నారు. మరి.. ఆ చిట్కాలేంటో తెలుసుకుందామా..

* మానసిక ఒత్తిడి, ఆందోళనలో ఉన్నవారు జాజినూనెని వాడితే మంచి ఫలితం ఉంటుంది. ఈ నూనె గుండె పని తీరును కూడా పెంచుతుంది.
* ఒంటి నొప్పులతో బాధపడేవారు కొబ్బరి నూనెతో జాజినూనె కలిపి రాసుకుంటే నొప్పులు త్వరితంగా తగ్గుముఖం పడతాయని అంటున్నారు.
* బకెట్ నీళ్లలో కొద్దిగా జాజినూనెను కలిపి బాలింతలు స్నానం చేస్తే. చక్కగా నిద్రపడుతుంది. మనసుకు హాయిగా ఉంటుంది. ఒత్తిళ్లు తగ్గుతాయి.
* నెలసరి సమయంలో కడుపు నొప్పితో బాధపడేవారు జాజినూనెను పొత్తి కడుపు మీద రాస్తే మంచి ఫలితం వుంటుందని సూచిస్తున్నారు.
* తల్లో పేలు బాధిస్తుంటే.. కొబ్బరినూనెలో జాజితైలాన్ని కలిపి రాస్తుంటే ఇబ్బంది ఉండదు. కేశాలు ఎంతో ఆరోగ్యంగా తయారవుతాయి.
* చెంచా పాలమీగడలో నాలుగు చుక్కలు జాజితైలం చేర్చి మర్దన చేస్తే ముఖం మీద వుండే మచ్చలు, నల్లని ఛాయలు తగ్గుముఖం పడతాయి.