గుడ్డు కంటే వేరుశేనగే శ్రేయస్కరం.. ఎలాగంటే?

Posted: 10/16/2015 12:31 PM IST

గుడ్డులో ఎన్నో ఔషధగుణాలు దాగి వుంటాయి. ఇందులో శక్తి, ప్రొటీన్‌, ఫాస్ఫరస్‌, థైమీన్‌, నియాసిన్‌ అనే ఐదు పోషకాలు పుష్కలంగా వుంటాయి. ఇవి.. శరీరంలోని భాగాలన్నీ చక్కని సమన్వయంతో పనిచేసేలా సమర్థవంతంగా పనిచేస్తాయి. అందుకే.. కోడిగుడ్డును రెగ్యులర్ డైట్ లో చేర్చుకుంటే ఎంతో శ్రేయస్కరమని ఆరోగ్య నిపుణులు అంటుంటారు. అయితే.. ఇన్ని పోషకాలు కలిగిన ఈ గుడ్డు కంటే వేరుశెనక మరెంతో శ్రేయస్కరమని చెపుతున్నారు. ఎందుకంటే.. గుడ్డులోకంటే వేరుశెనగలో రెండున్నర రెట్లు ఎక్కువగాగానే మాంసకృత్తులు ఉంటాయట. ఒక కిలో మాంసంలో లభించే మాంసకృత్తులు.. అదే మోతాదు మాంసకృత్తులు వేరుశెనగలో లభిస్తాయని ఆరోగ్య నిపుణులు చెపుతున్నారు.

అంతేకాదు.. వేరుశెనగలో ప్రొటీన్, ఫాస్పరస్, థైమీన్, నియాసిన్‌తో పాటు శక్తినిచ్చే మాంసకృత్తులు పుష్కలంగా ఉంటాయి.. అలాగే.. ‘ఏ, బి, బి, సి, ఇ’లతో కలిపి మొత్తం 13 రకాల విటమిన్లు... ఇంకా ఐరన్‌, కాల్షియం, జింక్‌, బోరాన్‌ వంటి 26 రకాల కీలక ఖనిజాలూ లభిస్తాయి. వేరుశెనగల్లోని ప్రోటీన్‌శాతం మాంసం, గుడ్లలోకన్నా ఎక్కువ. పెరిగే పిల్లలకూ గర్భిణులకూ పాలిచ్చే తల్లులకూ ఇవి ఎంతో మంచివి. వేయించిన తాజా గింజల్ని బెల్లం, మేకపాలతో కలిపి ఇస్తే రోగనిరోధకశక్తి పెరుగుతుందట. హెపటైటిస్‌, ట్యుబర్‌క్యులోసిస్‌ వంటివి రాకుండా ఉంటాయని చెపుతున్నారు. అలాగే, నెలసరి సమయాల్లో అధిక రక్తస్రావంతో బాధపడే మహిళలు కొంచెం పల్లీలు నానబెట్టి బెల్లంతో కలిపితింటే ఐరన్‌తోపాటు అన్ని రకాల పోషకాలూ అందుతాయట. తాజా పచ్చి పల్లీలకు చిటికెడు ఉప్పురాసి తింటే చిగుళ్లు గట్టిపడి దంతాల్ని సంరక్షిస్తాయి.

అయితే.. కొంతమందికి వేరుశెనగ పల్లీలు ఆరగించడం వల్ల అలెర్జీ రావొచ్చు. అలాంటి వీటికి దూరంగా ఉండటం ఎంతో మంచిది. వేరుశెనగ విత్తనాల్లో గుండెకు మేలు చేసే వోనో అన్‌శాచ్యురేటెడ్‌ కొవ్వుల శాతమే ఎక్కువ. కాబట్టి.. వేరుశెనగల్ని రెగ్యులర్ గా తీసుకుంటే నిత్యం ఆరోగ్యంగా మెలగవచ్చునని ఆరోగ్య నిపుణులు చెబుతున్నారు.