నాజుగ్గా వుండాలా.. ఈ ఫుడ్స్ తీసుకుంటే చాలు!

Posted: 10/15/2015 01:59 PM IST

మారుతున్న జీవిన విధానం కారణంగా రకరకాల ఆరోగ్య సమస్యల్ని ఎదుర్కోవాల్సి వస్తోంది. పోషకాహారాన్ని పక్కనపెట్టేసి.. జంక్ ఫుడ్స్, పిజ్జాలు వంటివి ఎక్కువ తీసుకోవడం వల్ల ఒబెసిటీ ఇబ్బందులు ఎదురవుతాయి. ఇక 30 సంవత్సరాలు పైబడిన మహిళలు అయితే మరీ లావుగా, బరువుగా కనిపిస్తారు. అటువంటివారు తిరిగి నాజుగ్గా కనిపించాలని ఎన్ని ప్రయత్నాలు చేసినా.. అంతగా ఫలితం వుండదు. అలాంటప్పుడు కొన్ని ఆరోగ్యకరమైన ఆహారాల్ని రెగ్యులర్ గా తీసుకుంటే.. తక్షణమే ఫలితం లభిస్తుందని ఆరోగ్య నిపుణులు అంటున్నారు.

సాధారణంగా మనం తీసుకునే ఆహారాన్నిబట్టే మన ఆరోగ్యం ఉంటుంది. కాబట్టి.. కొవ్వు కేలరీలు తక్కువగా ఉండి ఖనిజాలు, విటమిన్లు, పీచు పదార్థాలు అత్యధికంగా ఉండే పదార్థాలను తీసుకోవాలని నిపుణులు సూచిస్తున్నారు. ముఖ్యంగా కూరగాయలను ఎక్కువగా తీసుకోవాలి. పచ్చిబఠాణి, బీట్‌రూట్, బంగాళాదుంపలు తరచుగా తీసుకుంటూ వుండాలి. డెయిరీ ఉత్పత్తులతోపాటు మాంసంకృతులను ఎక్కువగా తీసుకోవాలి. పూర్తి స్థాయిలో ఉండే పాలు, పెరుగు, పనీర్ కాకుండా స్కిమ్డ్ పాలు, పాల పదార్థాలు తీసుకోవాలి. ఈ పాలతో తయారయ్యే క్రీమ్, ఛీజ్, పనీర్, పెరుగు, మిల్క్, ఐస్‌క్రీమ్స్‌ను ఎక్కువగా తినాలి.

అలాగే.. పండ్లలో యాపిల్స్, యాప్రికోట్స్, ఉసిరి, ద్రాక్ష, జామ, నిమ్మ, లిచి, అరెంజ్, స్ట్రాబెర్రీలతోపాటు.. పప్పు దినుసులైన బీన్స్, శనగలు, రాజ్‌మా మంటి వస్తువులు, కరిగి పోయే పదార్థాలు తీసుకోవాలని డైటీషియన్స్ సలహా ఇస్తున్నారు. అనవసరమైన మందులు వాడే బదులు.. నిపుణులు సూచిస్తున్న పై ఆహారాల్ని రెగ్యులర్ గా తీసుకుంటే నాజుగ్గా తయారవడంతోపాటు నిత్యం ఆరోగ్యంగా మెలగవచ్చు.